| e-texts navigator |
| Wylie |
517b1 གསུམ་པ་ཞེས་བྱ་བ་རྫོགས་སོ། ། །།རྒྱ་གར་གྱི་མཁན་པོ་ཛི་ན་མི་ཏྲ་དང་། པྲ་ཛྙཱ་ཝརྨ་དང་། ཞུ་ཆེན་གྱི་ལོ་ཙཱ་བ་བནྡྷེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ
517b2 གཏན་ལ་ཕབ་པ། །རྒྱ་གར་སྐད་དུ་།ཱཪྱ་ཤི་ལ་ཀྵི་པྟ་སཱུ་ཏྲ། བོད་སྐད་དུ། འཕགས་པ་རྡོ་འཕངས་པའི་མདོ། བམ་པོ་དང་པོ། འཕགས་པ་འཇམ་དཔལ་གཞོན
517b3 ནུར་གྱུར་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གྱད་རྣམས་ཀྱི་ལྗོངས་རྒྱུ་བ་སྤྱད་ནས་སྡིག་པར་གཤེགས་ཏེ་སྡིག་པའི་སྲིན་བུ
517b4 པདྨའི་ནགས་ཁྲོད་དུ་བཞུགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཀུ་ཤའི་གྲོང་ཁྱེར་ག་ལ་བར་ཚུར་ཤོག་།
517b5 བཙུན་པ། དེ་བཞིན་ནོ། །ཞེས་གསོལ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་ལྟར་ཉན་ཏོ། །ཡང་དེའི་ཚེ་ཀུ་ཤའི་གྲོང་ཁྱེར་གྱི་གྱད་རྣམས་ནི། གྱད་ལྔ་བརྒྱ་ཙམ་སྟེ། དེ
517b6 ལ་གྱད་རེ་རེའང་གྱད་ཀྱི་འཁོར་བརྒྱ་བརྒྱ་དང་ལྡན་ནོ། །འདུན་ས་གཅིག་ཤོས་སུ་འདུས་ཏེ་འཁོད་པ་དེ་དག་བར་གྱི་གཏམ་ཡང་དག་པར་བརྗོད་པ་འདི་ལྟ་བུ་བྱུང་སྟེ། ཤེས་ལྡན
517b7 དག་། བཅོམ་ལྡན་འདས་གྱད་རྣམས་ཀྱི་ལྗོངས་སུ་རྒྱུ་བ་སྤྱད་ནས་སྡིག་པར་གཤེགས་ཏེ་སྡིག་པའི་སྲིན་བུ་པདྨའི་ནགས་ཁྲོད་ན་བཞུགས་སོ། །དེ་ལ་སྡིག་པར་སྐྱེས་པའི
iiif viewer powered by OpenSeadragon
