| e-texts navigator |
| Wylie |
516b1 དང་མཐུན་པར་འགྲོ་བའི་ལམ་གང་ཡིན་པ་ལས་ཀྱང་དག་པར་མ་འདས་པར་རིག་པར་བྱའོ། །དེས་ནི། འདི་ལྟར་འདོད་པར་བྱ་སྟེ། ཡང་སྔོན་གྱི་མཐའ་དང་ལྡན་པའི་ལྟ་བའི་རྣམ
516b2 པ་གང་ཡིན་པ་དག་ཉེ་བར་ལེན་པར་འགྱུར་བ་དང་། ཕྱི་མའི་མཐའ་དང་ལྡན་པའི་ལྟ་བའི་རྣམ་པ་དག་ཀྱང་ཉེ་བར་ལེན་པར་འགྱུར་བ་དང་། ཚེ་འདི་ཉིད་ལ་འདོད་པའི་ཀུན་ཏུ
516b3 སྦྱོར་བའང་ཉེ་བར་ལེན་པར་འགྱུར་བ་དང་། རབ་ཏུ་དབེན་པའི་དག་བའང་ཉེ་བར་ལེན་པར་གྱུར་བ་དང་། ཟང་ཟིང་མེད་པའི་བདེ་བའང་ཉེ་བར་ལེན་པར་འགྱུར་བ་དང་། སྡུག
516b4 བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ཡང་ཉེ་བར་ལེན་པར་འགྱུར་བར་འདོད་པར་བྱའོ། །ཡང་དེ་འདི་སྐད་ཅེས་ང་ནི། ཞི་བའོ། །ང་ནི། མྱ་ངན་ལས་འདས་པའོ། །ང
516b5 ནི|་སྲེད་པ་མེད་པའི། །ང་ནི། ཉེ་བར་ལེན་པ་མེད་པ་སྟེ། ང་ལ་སྔོན་བདག་ཡོད་པར་གྱུར་པ་དེ་ནི། ད་ལྟར་ང་ལ་མེད་དོ། །ཞེས་ཟེར་བ་དེ་ལ་ཉེ་བར་ལེན་པ་ཡོད་པ་ཁོ་ནར་སྣང་སྟེ། དགེ
516b6 སློང་དག། དེ་ཡང་རགས་པ། འདུས་བྱས་པ། བསམ་པ། རྟེན་ཅིང་འབྲེལ་བར་འབྱུང་བ་ཡིན་ཏེ། འདི་ལྟར་འདུ་བྱེད་རྣམས་ཡོད་ན་འདུ་བྱེད་རྣམས་ཀྱི་འགོག་པའང་ཡོད་པས་ན
516b7 དེ་བཞིན་གཤེགས་པས་དེ་ཡོད་པར་ཐུགས་སུ་ཆུད་ནས་དེ་ལས་ཕྱིར་ལོག་ཅིང་དེ་ལ་ཞི་བར་གཟིགས། ངེས་པར་འབྱུང་བར་གཟིགས་ཤིང་བཞུགས་ཏེ། དགེ་སློང་དག་།ཚེ
iiif viewer powered by OpenSeadragon
