| e-texts navigator |
| Wylie |
516a1 ལས་ཡང་དག་པར་འདས་ཤིང་ཟང་ཟིང་མེད་པའི་བདེ་བ་ལས་ཀྱང་ཡང་དག་པར་འདས། སྡུག་བསྔལ་ཡང་མ་ཡིན། བདེ་བའང་མ་ཡིན་པའི་ཚོར་བ་ལས
516a2 ཀྱང་ཡང་དག་པར་འདས་ནས་འདི་སྐད་ཅེས་ང་ནི། ཞི་པའོ། །ང་ནི། མྱ་ངན་ལས་འདས་པའོ། །ང་ནི། སྲེད་པ་མེད་པའོ། །ང་ནི། ཉེ་བར་ལེན་པ་མེད་པ་སྟེ། ང་ལ་སྔོན་བདག་ཡོད
516a3 པར་གྱུར་པ་དེ་ནི། ད་ལྟར་ང་ལ་མེད་དོ། །ཞེས་ཟེར་ཏེ། དེ་བཞིན་གཤེགས་པས་དགེ་སྦྱོང་ངམ་བྲམ་ཟེ་གང་སྔོན་གྱི་མཐའ་དང་ལྡན་པའི་ལྟ་བའི་རྣམ་པ་དག་རབ་ཏུ
516a4 སྤངས་ཤིང་ཕྱི་མའི་མཐའ་དང་ལྡན་པའི་ལྟ་བའི་རྣམ་པ་དག་ཀྱང་རབ་ཏུ་སྤངས་ནས་ཚེ་འདི་ཉིད་ལ་འདོད་པའི་ཀུན་ཏུ་སྦྱོར་བ་རབ་ཏུ་སྤངས་ཏེ། རབ་ཏུ་དབེན་པའི་དགའ་བ
516a5 ལས་ཡང་དག་པར་འདས་ཤིང་ཟང་ཟིང་མེད་པའི་བདེ་བ་ལས་ཀྱང་ཡང་དག་པར་འདས། སྡུག་བསྔལ་ཡང་མ་ཡིན། བདེ་བའང་མ་ཡིན་པའི་ཚོར་བ་ལས་ཀྱང་ཡང་དག
516a6 པར་འདས་ནས་འདི་སྐད་ཅེས་ང་ནི། ཞི་བའོ། །ང་ནི། མྱ་ངན་ལས་འདས་པའོ། །ང་ནི། སྲེད་པ་མེད་པའོ། །ང་ནི། ཉེ་བར་ལེན་པ་མེད་པ་སྟེ། ང་ལ་སྔོན་བདག་ཡོད་པར་གྱུར
516a7 བ་དེ་ནི། ད་ལྟར་ང་ལ་མེད་དོ། །ཞེས་ཟེར་བ་དེ་ཡང་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་ནི། འདི་ལྟར་རིག་པར་བྱ་སྟེ། ཚེ་དང་ལྡན་པ་དེ་ནི། ཉེ་བར་ལེན་པ
iiif viewer powered by OpenSeadragon
