| e-texts navigator |
| Wylie |
484b1 ང་མཆོག་ཏུ་དགའ་བ་དེས་ལུས་ཀྱི་ཐམས་ཅད་ཡང་དག་པར་མྱོང་ཞིང་དྲན་པ་དང་ཤེས་བཞིན་གྱིས་ལན་མང་དུ་གནས་སོ། །ང་གནས་པ་འདིས་གནས་པ་ན་དགའ་བ་དང་། ཤིན་ཏུ
484b2 སྦྱངས་པ་དང་། བདེ་བ་དང་། ཏིང་ངེ་འཛིན་སྐྱེས་ཏེ། ང་ཏིང་ངེ་འཛིན་དེས་ལུས་ཀྱི་ཐམས་ཅད་ཡང་དག་པར་མྱོང་ཞིང་དྲན་པ་དང་ཤེས་བཞིན་གྱིས་ལན་མང་དུ་གནས་སོ། །ང་གནས
484b3 པ་འདིས་གནས་པ་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ཉེ་བར་ལྷག་པར་གྱུར་ནས་ང་དེ་ལ་གཞོལ་བ་དང་། དེ་ལ་འབབ་བ་དང་། དེ་ལ་བབ་པའི
484b4 སེམས་ཀྱིས་དེ་དག་ལ་འདི་ལྟ་སྟེ། བརྩོན་འགྲུས་སུ་དག་པར་བྱ་བའི་ཕྱིར་ཕན་ཚུན་ཀུན་དགའ་བར་གཏམ་འདྲེ་བར་སྨྲ། ཕེབས་པར་སྨྲ་ཞིང་ཆོས་ཀྱི་གཏམ་ཡང་ཟེར་རོ། །ཀུན་དགའ
484b5 བོ|་|དེ་ལྟ་བས་ན། དགེ་སློང་ཡང་ཀྱེ་མ་བདག་ཕྱི་སྟོང་པ་ཉིད་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པར་བྱའོ་ཞེས་འདོད་པར་གྱུར་ན། ཀུན་དགའ་བོ། དགེ་སློང་དེས
484b6 སེམས་ནང་ཁོ་ནར་གཞག་པར་བྱ། ཡང་དག་པར་གཞག་པར་བྱ། བསྡུས་ཏེ་གཞག་པར་བྱ། ཉེ་བར་གཞག་པར་བྱ། དུལ་བར་བྱ། ཞི་བར་བྱ། ཉེ་བར་ཞི་བར་བྱ། རྒྱུད་གཅིག་ཏུ་བྱ
484b7 ཞིང་ཏིང་ངེ་འཛིན་དུ་བྱའོ། །ཀུན་དགའ་བོ། དགེ་སློང་གང་དག་འདི་སྐད་བདག་གིས་སེམས་ནང་ཁོ་ནར་མ་བཞག་།ཡང་དག་པར་མ་བཞག་།བསྡུས་ཏེ་མ་བཞག་།ཉེ་བར་མ་བཞག་།
iiif viewer powered by OpenSeadragon
