| e-texts navigator |
| Wylie |
483b1 བྲེ་མོ་གཏམ་ལ་མི་དགའ་བ་དང་། བྲེ་མོ་གཏམ་ལ་ཀུན་ཏུ་མི་དགའ་བ་དང་། བྲེ་མོ་གཏམ་ལ་ཀུན་ཏུ་དགའ་བ་ཉིད་ལ་བརྩོན་པའི་རྗེས་སུ་མི་སྦྱོར་བ་དང་། ཚོགས་ལ་མི་དགའ་བ་དང་།
483b2 ཚོགས་ལ་ཀུན་ཏུ་མི་དགའ་བ་དང་། ཚོགས་ལ་ཀུན་ཏུ་དགའ་བ་ཉིད་ལ་བརྩོན་པའི་རྗེས་སུ་མི་སྦྱོར་བ་ལ་གནས་ཤིང་། ཚོགས་ལས་གཅིག་པུ་ལོགས་ཤིག་ན་གནས་པ་དེས་ནི།
483b3 རེ་ཞིག་འཕགས་པའི་བདེ་བ་དང་། ངེས་པར་འབྱུང་བའི་བདེ་བ་དང་། རབ་ཏུ་དབེན་པའི་བདེ་བ་དང་། ཉེ་བར་ཞི་བའི་བདེ་བ་དང་། རྫོགས་པར་བྱང་ཆུབ་པའི་བདེ་བ་དང་། དེ་ལྟ་བུའི
483b4 བདེ་བ་གང་ཡིན་པ་དེ་དག་ཅི་འདོད་པ་བཞིན་འཐོབ་པ་དང་། དཀའ་བ་མེད་པར་ཐོབ་པར་འགྱུར་བ་དེ་ནི། གནས་ཡོད་དོ། །ཀུན་དགའ་བོ། དགེ་སློང་བྲེ་མོ་གཏམ་ལ་དགའ་བ་དང་།
483b5 བྲེ་མོ་གཏམ་ལ་ཀུན་ཏུ་དགའ་བ་དང་། བྲེ་མོ་གཏམ་ལ་ཀུན་ཏུ་དགའ་བ་ཉིད་ལ་བརྩོན་པའི་རྗེས་སུ་སྦྱོར་བ་དང་། ཚོགས་ལ་དགའ་བ་དང་། ཚོགས་ལ་ཀུན་ཏུ་དགའ་བ་དང་།
483b6 ཚོགས་ལ་ཀུན་ཏུ་དགའ་བ་ཉིད་ལ་བརྩོན་པའི་རྗེས་སུ་སྦྱོར་བ་ལ་གནས་ཤིང་། ཚོགས་ལས་གཅིག་པུ་ལོགས་ཤིག་ན་མི་གནས་པ་དེས་ནི། རེ་ཞིག་དུས་དང་སྦྱོར་ཞིང་སྲུང་བའི
483b7 སེམས་རྣམ་པར་གྲོལ་བའམ། དུས་དང་མི་སྦྱོར་ཞིང་མི་ཉམས་པ་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པར་འགྱུར་བ་དེ་ནི། གནས་མེད་དོ། །ཀུན་དགའ་བོ།
iiif viewer powered by OpenSeadragon
