| e-texts navigator |
| Wylie |
482b1 ཤཱཀྱ་དུས་བདེའི་གཙུག་ལག་ཁང་ག་ལ་བ་དེར་གཤེགས་སོ། །དེའི་ཚེ་ན་དགེ་སློང་རབ་ཏུ་མང་པོ་དག་གིས་ཤཱཀྱ་དུས་བདེའི་གཙུག་ལག་ཁང་དུ་བླ་གབ་མེད་པར་སྟན་རབ་ཏུ་མང་པོ
482b2 དག་བཏིང་སྟེ་དོང་ངོ་། །དེ་ནས་བཅོམ་ལྡན་འདས་གཙུག་ལག་ཁང་གི་ཕྱི་རོལ་ཏུ་ཞབས་བསིལ་ནས་ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་བཞུགས་སོ། །དེ་ནས
482b3 བཅོམ་ལྡན་འདས་ཕྱེ་མ་རེད་ནང་དུ་ཡང་དག་འཇོག་ལས་བཞེངས་ནས་ཤཱཀྱ་ལྟག་པའི་རིའི་གཙུག་ལག་ཁང་ག་ལ་བ་དེར་གཤེགས་སོ། །དེའི་ཚེ་ན་ཚེ་དང་ལྡན་པ་ཀུན་དགའ་བོ་དགེ
482b4 སློང་རབ་ཏུ་མང་པོ་དག་དང་ལྷན་ཅིག་ཏུ་ཤཱཀྱ་ལྟག་པའི་རིའི་གཟུག་ལག་ཁང་དུ་འདི་ལྟ་སྟེ། ཆོས་གོས་ཀྱི་ལས་ལ་འདུས་ཏེ་འདུག་པར་གྱུར་ཏོ། །ཚེ་དང་ལྡན་པ་ཀུན་དགའ་བོས་རྒྱད
482b5 རིང་པོ་ནས་བཅོམ་ལྡན་འདས་མཐོང་ངོ་། །མཐོང་ནས་ཀྱང་སྟན་ལས་ལངས་ཏེ་བཅོམ་ལྡན་འདས་ཀྱི་གདན་བཤམས་ནས་འདི་སྐད་ཅེས་ཀྱང་གསོལ་ཏོ། །བཅོམ་ལྡན་འདས། ཚུར
482b6 གཤེགས་སུ་གསོལ། བཅོམ་ལྡན་འདས། ལེགས་པར་གཤེགས་ལགས་སོ། །བཅོམ་ལྡན་འདས་གདན་བཤམས་པ་འདི་ལ་བཞུགས་སུ་གསོལ། བཅོམ་ལྡན་འདས་གདན་ལ
482b7 བཞུགས་ནས་ཚེ་དང་ལྡན་པ་ཀུན་དགའ་པོ་ལ་བཀའ་སྩལ་པ། ཀུན་དགའ་བོ། དགེ་སློང་རབ་ཏུ་མང་པོ་དག་གིས་ཤཱཀྱ་དུས་བདེའི་གཙུག་ལག་ཁང་དུ་བླ་གབ་མེད་པར་སྟན་རབ་ཏུ
iiif viewer powered by OpenSeadragon
