| e-texts navigator |
| Wylie |
478b1 ཡང་འདི་ལ་འདི་ལྟ་སྟེ། སར་འདུ་ཤེས་པ་ཁོ་ནའམ། དེ་ལས་ཁ་ཅིག་ལ་བརྟེན་ནས་མི་སྟོང་བའང་ཡོད་དོ་སྙམ་མོ། །དེ་ལ་མིར་འདུ་ཤེས་པ་དང་། དགོན་པར་འདུ་ཤེས་པ་ལ་བརྟེན་པ་ཉོན
478b2 མོངས་པའི་གནས་གང་དག་ཡིན་པ་དེ་དག་མེད་ཀྱང་དེ་ལ་འདི་ལྟ་སྟེ། སར་འདུ་ཤེས་པ་ཁོ་ནའམ། དེ་ལས་ཁ་ཅིག་ལ་བརྟེན་པ་ཙམ་གྱི་ཉོན་མོངས་པའི་གནས་ནི། ཡོད་དོ། །ཀུན་དགའ
478b3 བོ|་དེ་ལྟ་བས་ན། གང་ལ་གང་མེད་པ་དེ་དེས་སྟོང་ངོ་། །ཞེས་བྱ་བར་ཡང་དག་པར་རྗེས་སུ་མཐོང་ཡང་། དེ་ལ་ལྷག་མ་གང་ཡོད་པ་དེ་དེ་ལ་ཡོད་དོ། །ཞེས་བྱ་བར་ཡང་དག་པ་ཇི་ལྟ་བ
478b4 བཞིན་དུ་རབ་ཏུ་ཤེས་ཏེ། ཀུན་དགའ་བོ། སྟོང་པ་ཉིད་ལ་འཇུག་པ་འདི་ནི། ཡང་དག་པ་ཇི་ལྟ་བ་བཞིན་ཏེ། ཕྱིན་ཅི་མ་ལོག་པ་ཡིན་ནོ། །ཀུན་དགའ་བོ། གཞན་ཡང་དགེ་སློང་ཞིག་ཀྱེ་མ
478b5 བདག་སྟོང་པ་ཉིད་ཀྱིས་ལན་མང་དུ་གནས་པར་བྱའོ། །ཞེས་འདོད་པར་གྱུར་ན། ཀུན་དགའ་བོ། དགེ་སློང་དེས་དགོན་པར་འདུ་ཤེས་པ་དང་། སར་འདུ་ཤེས་པ་ཡིད་ལ་མི་བྱ་བར་ནམ
478b6 མཁའ་མཐའ་ཡས་སྐྱེ་མཆེད་དུ་འདུ་ཤེས་པའམ། དེ་ལས་ཁ་ཅིག་ཡིད་ལ་བྱའོ། །དེ་འདི་སྙམ་དུ་སེམས་ཏེ། འདུ་ཤེས་ཀྱི་རྣམ་པ་འདི་ལྟ་སྟེ། དགོན་པར་འདུ་ཤེས་པའམ། སར་འདུ
478b7 ཤེས་པས་སྟོང་ཡང་འདི་ལ་འདི་ལྟ་སྟེ། ནམ་མཁའ་མཐའ་ཡས་སྐྱེ་མཆེད་དུ་འདུ་ཤེས་པ་ཁོ་ནའམ། དེ་ལས་ཁ་ཅིག་ལ་བརྟེན་ནས་མི་སྟོང་པའང་ཡོད་དོ་སྙམ་མོ། །དེ་ལ་དགོན་པར
iiif viewer powered by OpenSeadragon
