| e-texts navigator |
| Wylie |
52b1 ཅད་དུ། །གངྒཱའི་བྱེ་སྙེད་ཞིང་ནས་ནི། །བྱང་ཆུབ་སེམས་དཔའ་ལྷགས་ནས་སུ། །མཉན་ནས་ཕྱིར་ཡང་སོ་སོར་དོང་། །མདོ་སྡེ་འདི་ནི་བཤད་པའི་ཚེ། །དགེ་སློང་བྱེ་བ་མང་ཚང་པ། །དེ་དག་ཐམས
52b2 ཅད་དགྲ་བཅོམ་འགྱུར། །དེ་དག་གིས་ནི་འདྲེན་པ་མཐོང་། །དགེ་སློང་དག་ནི་བརྒྱ་སྟོང་དང་། །དགེ་སློང་མ་ཡང་དེ་བཞིན་ཏེ། །སྟོང་ཕྲག་དྲུག་ཅུར་ཚང་བ་ཡིས། །དེ་ཚེ་ཆོས་ལ་བཟོད་པ་ཐོབ། །
52b3 མི་སྐྱེ་བ་ཡི་ཆོས་རྣམས་ལ། །བཟོད་པ་བླ་ན་མེད་ཐོབ་ནས། །དེ་དག་སངས་རྒྱས་རྣམས་བལྟ་ཞིང་། །སྲོག་ཆགས་རྣམས་ལ་ཆོས་ཀྱང་འཆད། །དགེ་སློང་མ་ནི་ལྔ་བརྒྱ་དང་། །དགེ་བསྙེན་མ་ནི
52b4 བཞི་བཅུ་དག། རང་རང་གི་ནི་གོས་རྣམས་ཀྱིས། །དེ་བཞིན་གཤེགས་ཀྱི་སྐུ་ལ་གསོལ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཤཱ་རིའི་བུ་ཡི་རངས
52b5 སོ|་|བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་། དགེ་སློང་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན
52b6 འདས་ཀྱིས་བཤད་པ་ལ་མངོན་པར་བསྟོད་དོ། །འཕགས་པ་མེ་ཏོག་གི་ཚོགས་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་ཛྙཱ་ན་སིདྡྷི་དང་།
52b7 ཞུས་ཆེན་གྱི་ལོ་ཙཱ་བ་བནྡྷེ་དྷརྨ་ཏཱ་ཤཱི་ལ་ལ་སོགས་པས་ཞུས་ཆེན་བགྱིས་ཏེ་གཏན་ལ་ཕབ་པ།། །།དཀོན་མཆོག་གསུམ་ལ་ཕྱག་འཚལ་ལོ། །དཔང་སྐོང་ཕྱག་བརྒྱ
iiif viewer powered by OpenSeadragon
