| e-texts navigator |
| Wylie |
52a1 མང་པོ་དག་། ནོར་བུ་རིན་ཆེན་ཐོས་ནས་ནི། །ཤིན་ཏུ་བརྒྱན་པར་བྱའོ་ཞེས། །དེ་དག་ཡང་དང་ཡང་ཚོལ་ལོ། །དེ་བཞིན་ཤེས་རབ་ཆེན་པོ་ཡང་། །སངས་རྒྱས
52a2 ཀྱིས་ནི་མཚན་ཐོས་ནས། །ཇི་ལྟར་བྱང་ཆུབ་རེག་འགྱུར་ཞེས། །དེ་དག་ཡོངས་སུ་ཚོལ་བར་བྱེད། །དམན་པའི་ལས་དང་ལྡན་པ་དང་། །སྡིག་པ་འདོད་དང་གཡོ་ཅན་དང་། །ཤེས་རབ
52a3 བསོད་ནམས་མེད་པ་ལ། །འདི་ལྟ་བུ་ཡི་ཐོས་པ་མེད། །འདོད་ཆགས་ཀྱིས་ནི་ཆགས་གྱུར་དང་། །གཏི་མུག་གིས་ནི་རྨོངས་པའམ། །ཆགས་པས་ཟིལ་གྱིས་མནོན་པ་ལ། །འདི་ལྟ་བུ
52a4 ཡི་ཐོས་པ་མེད། །ང་རྒྱལ་ཅན་དང་ཁེངས་པ་དང་། །ལེ་ལོ་ཅན་དང་བློ་ཆུང་དང་། །མུ་སྟེགས་གཞན་ལ་བརྩོན་པ་ལ། །འདི་ལྟ་བུ་ཡི་ཐོས་པ་མེད། །བྱེ་བ་སྟོང་གི་ལྷ་རྣམས་ནི། །ཀྱེ་མ
52a5 སངས་རྒྱས་ཀྱེ་མ་ཆོས། །ཀྱེ་མ་དགེ་འདུན་བླ་ན་མེད། །དེ་ཞེས་དེ་ཚེ་སྒྲ་ཡང་སྒྲོག་།མེ་ཏོག་གི་ཡང་ཆར་འབེབས་ཤིང་། །སྟོང་གསུམ་འདིར་ནི་རབ་ཏུ་གཏོར། །སིལ་སྙན་བྱེ་བ་དཀྲོལ
52a6 བར་བྱེད། །སྤོས་ཀྱིས་ས་ལ་ཆག་ཆག་བཏབ། །ཞིང་འདི་སྣང་བར་བྱེད་ནས་ནི། །རྣམ་པ་དྲུག་ཏུ་གཡོ་བར་བྱས། །མེ་ཏོག་བསགས་པ་དམ་པ་ཡི། །མདོ་སྡེ་འདི་ནི་རབ་བཤད་པ། །
52a7 དེ་ནི་འཁོར་སུ་གང་དག་ནི། །སངས་རྒྱས་མཚམས་གནས་མ་གཏོགས་པར། །གང་གཞན་ཐོས་པ་ཐམས་ཅད་ནི། །སངས་རྒྱས་བླ་ན་མེད་པར་འགྱུར། ཕྱོགས་བཅུ་དག་ནི་ཐམས
iiif viewer powered by OpenSeadragon
