| e-texts navigator |
| Wylie |
51b1 བརྒྱན་པའི་གཟུགས་འཛིན་པ། །ཆོས་ཏོག་རྒྱལ་མཚན་དྲང་སྲོང་སྟེ། །བྱང་ཆུབ་སེམས་དཔས་ཡོངས་བསྐོར་ཅིང་། །འདྲེན་པ་ཆོས་རྣམས་སྟོན་པ་མཛད། །འཇིག་རྟེན་དུ་ནི་མ་བསྐོར་བ། །ཕྱིར
51b2 མི་ལྡོག་པའི་འཁོར་ལོ་བསྐོར། །དེ་ཡི་མཚན་ཀྱང་ཐོས་ནས་ནི། །བསྐལ་པ་བརྒྱར་ཡང་མི་འཁོར་ཞིང་། །ཕྱིར་མི་ལྡོག་པའི་འཁོར་ལོ་ཡང་། །བླ་ན་མེད་པ་ཐོབ་པར་འགྱུར། །གང་དག
51b3 གིས་ནི་མཚན་བརྗོད་པ། །ཆོས་ཀྱི་རྒྱལ་པོ་དེ་དག་དང་། །རབ་འབྱུང་དག་ན་བཞུགས་པ་དང་། །འཇིག་རྟེན་དག་གིས་ཁམས་ཀྱང་རུང་། །མིང་དང་རིགས་ནི་རྣམ་པར་དག་།སྤྱོད་པ་དག
51b4 ཀྱང་རྣམ་དག་པ། །ཆོས་ཀྱི་སྤྱན་ནི་རྣམ་པར་དག་།ཆོས་རྣམས་ཀུན་ཀྱང་རྣམ་སྦྱངས་པ། །ཤེས་རབ་ལྡན་པའི་སྤྱོད་ཡུལ་གྱིས། །བླ་ན་མེད་པའི་ཡེ་ཤེས་ལ། །སྐྱེ་བོ་མང་པོ་གང་དག
51b5 ནི|་། ཤིན་ཏུ་འདོད་པའི་ཤཱ་རིའི་བུ། །གང་དག་ཕྱི་མའི་དུས་བྱུང་བ། །ཤིན་ཏུ་འཇིགས་པར་གྱུར་པའི་ཚེ། །ཆོས་འདི་རབ་ཏུ་ཉན་འགྱུར་ཞིང་། །ཐོས་ནས་དད་པར་བྱེད་པ་ནི། །ཐེ
51b6 ཚོམ་མེད་པར་དེ་དག་གིས། །ཤཱ་རིས་ང་ལ་བསྙེན་བཀུར་བྱས། །ཇི་ལྟར་རིན་ཆེན་རིན་ཐང་མེད། །དབུལ་པོས་མཐོང་ན་ཞུམ་གྱུར་ཏེ། །གང་གིས་རིན་ཆེན་རྙེད་འགྱུར་བ། །དེ་ལྟའི་ནོར
51b7 ནི་ག་ལས་འོང་། །དེ་བཞིན་བླ་མེད་སངས་རྒྱས་ཀྱང་། །བསོད་ནམས་ཆུང་ངུས་ཐོས་ནས་ནི། །མིག་ལ་གནོད་བྱེད་བློ་ཅན་རྣམས། །དེ་དག་དད་པར་ག་ལ་འགྱུར། །ནོར་དང་མཛོད་རྣམས
iiif viewer powered by OpenSeadragon
