| e-texts navigator |
| Wylie |
50b1 པར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །འཇིག་རྟེན་ཁམས་ནི་བཟང་མཆོག་སྟེ། །བཟང་པོ་དགའ་བ་ཞེས་ཀྱང་བྱ། །དེ་ན་རྫོགས་པའི
50b2 སངས་རྒྱས་ནི། །བཟང་ཏོག་རྒྱལ་མཚན་དྲང་སྲོང་སྟེ། །རྒྱལ་མཆོག་ཆོས་ཀྱི་རྒྱལ་པོ་ཡིན། །མཚན་མཆོག་སུམ་ཅུ་རྩ་གཉིས་ལྡན། །དེ་ཡི་མཚན་ཀྱང་ཐོས་ནས་ནི། །སངས་རྒྱས་ཆོས་རྣམས
50b3 མི་འབྲི་ཞིང་། །བསྐལ་པ་དག་ནི་ལྔ་བཅུར་ཡང་། །འཁོར་བ་དག་ནི་རྣམ་པར་སྤོང་། །འཇིག་རྟེན་དུ་ཡང་མྱུར་བར་ནི། །གྲགས་ཆེན་ལྷ་ཡི་ལྷར་འགྱུར་རོ། །སྟེང་གི་ཕྱོགས་ན་འཇིག་རྟེན་གྱིས
50b4 ཁམས་རིན་པོ་ཆེའི་རིགས་ཞེས་བྱ་བ་ན། དེ་བཞིན་གཤེགས་པ་རིན་པོ་ཆེ་ཐམས་ཅད་ཀྱིས་བརྒྱན་པའི་གཟུགས་འཛིན་པ་ཞེས་བྱ་བ་བཞུགས་སོ། །ཅིའི་ཕྱིར་འཇིག་རྟེན་གྱི་ཁམས་དེ་རིན་པོ
50b5 ཆེའི་རིགས་ཞེས་བྱ་ཞེ་ན། འོད་སྲུང་། སངས་རྒྱས་ཀྱི་ཞིང་དེའི་སེམས་ཅན་རྣམས་བླ་ན་མེད་པ་ཡང་དག་པ་རྫོགས་པའི་བྱང་ཆུབ་ཏུ་ཡང་དག་པར་རབ་ཏུ་ཞུགས་ཏེ། སངས་རྒྱས་ཀྱི་ཞིང
50b6 ད་ཨེ་ནས་སེ་གོལ་གཏོགས་པ་ཙམ་གྱིས་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་མང་པོ་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཀྱི་སེམས་ཅན་རྣམས་བྱང་ཆུབ་ཏུ
50b7 ཡོངས་སུ་སྨིན་པར་བྱེད། སངས་རྒྱས་བཅོམ་ལྡན་འདས་ལ་མཆོད་པ་བྱེད་ཅིང་ཕྱིར་ཡང་འཇིག་རྟེན་གྱི་ཁམས་དེར་འོང་ངོ་། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་འོད
iiif viewer powered by OpenSeadragon
