| e-texts navigator |
| Wylie |
49b1 བ་རྙེད་པར་འགྱུར། །དེ་ནི་ཚེ་འདིའི་ཡོན་ཏན་ཏེ། །སྟོན་པ་ཡོན་ཏན་ཚད་མེད་ཅིང་། །ཆོས་ཀུན་གྱི་ཡང་ཕ་རོལ་ཕྱིན། །ཕུན་སུམ་ཚོགས་པ་ཀུན་གཉེར་བས། །བྱམས་པའི་སེམས་ཀྱིས་ཕྱག
49b2 གྱིས་ཤིག། སྟེང་གི་ཕྱོགས་ན་ཤིན་ཏུ་རྣམ་པར་ཕྱེ་བའི་འཇིག་རྟེན་གྱི་ཁམས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་ཐམས་ཅད
49b3 འབྱུང་བ་ཞེས་བྱ་བ་བཞུགས་སོ། །ཅིའི་ཕྱིར་འཇིག་རྟེན་གྱི་ཁམས་དེ་ཤིན་ཏུ་རྣམ་པར་ཕྱེ་བ་ཞེས་བྱ་ཞེ་ན། འཇིག་རྟེ་གྱི་ཁམས་དེ་གཞི་གསེར་ལ་བཻ་ཌཱུཪྱས་མིག་མངས་རིས་སུ་བྲིས
49b4 པ|་མིག་མངས་རིས་ཐམས་ཅད་ནས་མེ་ཏོག་གི་ཤིང་དང་། རིན་པོ་ཆེའི་ཤིང་དང་། ཙནྡན་ལ་སོགས་པ་སྤོས་ཀྱི་ཤིང་དག་གིས་ཤིན་ཏུ་རྣམ་པར་ཕྱེ་ཞིང་དེ་དག་ལས་དྲི་བྱུང་བས་སངས
49b5 རྒྱས་ཀྱི་ཞིང་ཐམས་ཅད་གདུགས་གཅིག་ཏུ་ཁྱབ་པར་འགྱུར་རོ། །དེ་བཞིན་གཤེགས་པ་ཡོན་ཏན་ཐམས་ཅད་འབྱུང་བ་དེ་ཆོས་ཀྱི་གདན་ལ་བཞུགས་པའི་མཚན་ཐོས་ནས་དབང་པོ
49b6 ཐམས་ཅད་རབ་ཏུ་རྣམ་པར་ཕྱེ་བ་ཡོངས་སུ་འཛིན་ཏོ། །སངས་རྒྱས་ཀྱི་ཆོས་རབ་ཏུ་རྣམ་པར་ཕྱེ་བའང་ཡོངས་སུ་འཛིན་ཏོ། །བསྐལ་པ་བརྒྱད་ཅུར་འཁོར་བ་ལ་རྒྱབ་ཀྱིས་ཕྱོགས་པར་ཡང
49b7 བྱས་པར་འགྱུར་རོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །འཇིག་རྟེན་གྱི་ཁམས་ནི་བླ་མེད་པ། །ཤིན་ཏུ་རྣ་པར་ཕྱེ་ཞེས་བྱ། །ཤིང་གིས
iiif viewer powered by OpenSeadragon
