| e-texts navigator |
| Wylie |
49a1 པ་མཐོང་བའང་ཐོབ་པར་འགྱུར་རོ། །ཐ་ན་རྨི་ལམ་ནའང་དེ་བཞིན་གཤེགས་པ་དེ་ལ་ཡན་ལག་ལྔས་ཕྱག་འཚལ་ལོ། །སངས་རྒྱས་བཅོམ་ལྡན་འདས
49a2 རྣམས་ལ་ལྷག་པའི་བསམ་པས་རི་མོ་བྱེད་པར་འགྱུར་རོ། །བལྟ་བར་བྱ་བ་དང་། ཕྱག་བྱ་བ་དང་། བསྙེན་བཀུར་བྱ་བའི་ཕྱིར་བླ་ན་མེད་པ་མཁས་པ་དང་ལྡན་པའི་སེམས་ཅན་ཡང
49a3 རྙེད་པར་འགྱུར་རོ། །ཚེ་འདི་ལ་ཡོན་ཏན་འདི་དག་ཐོབ་པར་འགྱུར་ཏེ། ཤཱ་རིའི་བུ། དེ་བཞིན་གཤེགས་པ་དེ་ནི་ཡོན་ཏན་དང་། ཕན་ཡོན་ཚད་མེད་དོ། །དེ་ནས་བཅོམ་ལྡན་འདས
49a4 ཀྱིས་དེའི་ཚེ་ཚིགས་སུ་བཅད་པ་འདི་དག་གསུངས་སོ། །ནམ་མཁའ་ཡོངས་སུ་བརྒྱན་པའི་ཞིང་། །དེ་ན་གྲགས་ཆེན་སངས་རྒྱས་ནི། །ཆོས་ཀྱི་ནམ་མཁའ་སྒྲོན་མའི་མཚན། །སྐྱེས
49a5 བུ་དག་ནི་ཁྱུ་མཆོག་སྟེ། །དེ་ཡི་མཚན་ཀྱང་ཐོས་ནས་ནི། །བསྐལ་པ་དྲུག་ཅུ་ཕྱིར་བཟློག་ཅིང་། །བླ་མེད་སངས་རྒྱས་ཆོས་རྣམས་དང་། །སངས་རྒྱས་འགྲོ་བའང་ཐོབ་པར་འགྱུར། །
49a6 སངས་རྒྱས་དཔའ་བོ་ཆེན་པོ་དག་།ཚེ་འདི་ཉིད་ལ་མཐོང་བར་འགྱུར། །ལྷག་པའི་བསམ་པས་བྱམས་པའི་སེམས། །དཀྱིལ་འཁོར་ལྔ་ཡིས་ཕྱག་བྱས་ཏེ། །རྨི་ལམ་ན་ཡང་རྫོགས
49a7 སངས་རྒྱས། །ཀུན་ཏུ་བཟང་པོ་མཐོང་བར་འགྱུར། །ཡིད་ཀྱི་རྟོག་པ་གཞན་གྱིས་སེམས། །ཆོས་ཀྱི་རྒྱལ་པོ་དྲན་ནས་སུ། །ཤེས་ལ་མཁས་པའི་སེམས་ཅན་རྣམས། །བསྙེན་བཀུར་བྱ
iiif viewer powered by OpenSeadragon
