| e-texts navigator |
| Wylie |
48a1 གཤེགས་ལ་ཕྱག་བྱས་ན། །སྡིག་པའི་གྲོགས་པོ་མི་འཕེལ་ཞིང་། །གསོད་དང་ཕྱིར་རྒོལ་དེ་བཞིན་ཏེ། །དགེ་བའི་བཤེས་གཉེན་རྙེད་པར་འགྱུར། །
48a2 སངས་རྒྱས་དེ་དང་འཇིག་རྟེན་གྱི། །མཆོད་རྟེན་གཞན་ལ་ཕྱག་བྱས་ན། །ཆོས་ཀུན་རྟོགས་པར་རིག་པ་ཡིས། །བྱང་ཆུབ་ལ་ནི་ནེམ་ནུར་མེད། །སྟེང་གི་ཕྱོགས་ན་འཇིག་རྟེན་གྱི་ཁམས
48a3 རིན་པོ་ཆེ་སྒྲོལ་མ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དམ་པ་འབྱུང་བའི་དཔལ་ཞེས་བྱ་བ་བཞུགས་ཏེ། དེའི་མཚན
48a4 ཐོས་ན་བྱང་ཆུབ་ཀྱི་ཡན་ལག་རིན་ཆེན་བདུན་ཐོབ་པར་འགྱུར་རོ། །བསྐལ་པ་སུམ་ཅུར་འཁོར་བ་ལ་རྒྱབ་ཀྱིས་ཕྱོགས་པ་བྱས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ
48a5 ཚིགས་སུ་བཅད་པ་འདི་དག་གསུངས་སོ། །རིན་ཆེན་སྒྲོལ་མ་འཇིག་ཏེན་ཁམས་མཆོག་ན། །རིན་ཆེན་འབྱུང་ཞེས་བྱ་བའི་སངས་རྒྱས་ཏེ། །དེ་ཡི་མཚན་མཆོག་དམ་པ་ཐོས་ནས་ནི། །
48a6 སྲོག་ཆགས་རྣམས་ཀྱིས་བྱང་ཆུབ་ཡན་ལག་ཐོབ། །བསྐལ་པ་སུམ་ཅུ་དག་ནི་འདོར་བར་བྱེད། །བྱང་ཆུབ་ལ་ཡང་ཤིན་ཏུ་ལེགས་པར་གནས། །སྨྲ་བ་དཔའ་བོ་རབ་ཏུ་མི་བསྐྱོད་པ། །
48a7 སྐྱེས་བུ་དམ་པ་དག་ཀྱང་མང་དུ་མཐོང་། །སྟེང་གི་ཕྱོགས་ན་འཇིག་རྟེན་གྱི་ཁམས་གློག་གི་འོད་ཅེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས
iiif viewer powered by OpenSeadragon
