| e-texts navigator |
| Wylie |
132b1 རྒྱ་གར་སྐད་དུ། ཨཱཪྱ་ཏྲི་ཀཱ་ཡ་ནཱ་མ་མཧཱ་ཡཱ་ན་སཱུ་ཏྲ། བོད་སྐད་དུ།འཕགས་པ་སྐུ་གསུམ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས
132b2 ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁང་བྱ་རྒོད་ཕུང་པོའི་རི་ལ་བཞུགས་སོ། །བྱང་ཆུབ་སེམས་དཔའ་ཚད་མེད་གྲངས
132b3 མེད་པ་དང་། ལྷ་དང་། ཀླུ་དང་། འཁོར་ཐམས་ཅད་དང་ཐབས་གཅིག་ཏུ་བཞུགས་ཏེ། བཅོམ་ལྡན་འདས་ལ་བཀུར་སྟིར་བགྱིད་ཅིང་མཆོད་དོ། །དེའི་ཚེ་འཁོར་དེར་བྱང་ཆུབ་སེམས
132b4 དཔའ་སའི་སྙིང་པོ་འདུག་པ་སྟན་ལས་ལངས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ལ་སྐུ་དུ་མངའ། བཅོམ་ལྡན་འདས་ཀྱིས་བཀའ་སྩལ་པ།
132b5 སའི་སྙིང་པོ། བཅོམ་ལྡན་འདས་དེ་བཞིན་གཤེགས་པ་ལ་སྐུ་གསུམ་མངའ་སྟེ། ཆོས་ཀྱི་སྐུ་དང་། ལོངས་སྤྱོད་རྫོགས་པའི་སྐུ་དང་། སྤྲུལ་པའི་སྐུའོ། །རིགས་ཀྱི་བུ། དེ་བཞིན
132b6 གཤེགས་པའི་སྐུ་གསུམ་ནི་རང་བཞིན་རྣམ་པར་དག་པ་ནི་ཆོས་ཀྱི་སྐུའོ། །ཏིང་ངེ་འཛིན་རྣམ་པར་དག་པ་ནི་ལོངས་སྤྱོད་རྫོགས་པའི་སྐུའོ། །སྤྱོད་པ་རྣམ་པར་དག་པ་ནི་སངས་རྒྱས་ཐམས
132b7 ཅད་ཀྱི་སྤྲུལ་པའི་སྐུའོ། །རིགས་ཀྱི་བུ། དེ་བཞིན་གཤེགས་པའི་ཆོས་ཀྱི་སྐུ་ནི་ནམ་མཁའ་ལྟར་རང་བཞིན་མེད་པའི་དོན་ནོ། །ལོངས་སྤྱོད་རྫོགས་པའི་སྐུ་ནི་སྤྲིན་ལྟར་འབྱུང་བའི
iiif viewer powered by OpenSeadragon
