| e-texts navigator |
| Wylie |
129b1 དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འཁོར་དེ་ཉིད་དུ་འདུས་པར་གྱུར་ནས་འདུག་པ་དེས་བཅོམ་ལྡན་འདས་ལ་ཕྱག་བཙལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏེ།
129b2 བཅོམ་ལྡན་འདས། བདག་གིས་ཀྱང་དེ་བཞིན་གཤེགས་པའི་མཚན་ཡོངས་སུ་བརྗོད་པ་བཀྲ་ཤིས་བརྒྱད་པའི་ཆོས་ཀྱི་རྣམ་གྲངས་འདི་ཉམས་སུ་བླངས་ལགས་སོ། །བཅོམ་ལྡན་འདས
129b3 ཀྱིས་བཀའ་སྩལ་པ། ཀཽ་ཤི་ཀ་།དེའི་ཕྱིར་ཁྱོད་ཀྱིས་ལྷ་དང་། ལྷ་མ་ཡིན་གཡུལ་འགྱེད་པ་ན་ཆོས་ཀྱི་རྣམ་གྲངས་འདི་ཡོངས་སུ་བརྗོད་པར་བྱའོ། །ཡོངས་སུ་བརྗོད་པ་ན་ལྷའི་དབང་པོ
129b4 ཁྱོད་རྒྱལ་བར་འགྱུར་རོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི་བདེ་ཞིང་འཇིགས་པ་མེད་པར་ཡོངས་སུ་བརྗོད་པ་ཡིན་པའི་ཕྱིར་རོ། །
129b5 མཚན་ཡོངས་སུ་བརྗོད་པ་གང་ཡིན་པ་འདི་ནི་ཀུན་ནས་ལྡང་བ་མེད་པར་ཡོངས་སུ་བརྗོད་པ་ཡིན་པའི་ཕྱིར་རོ། །དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི
129b6 ཡང་དག་པའི་མཚན་ཡོངས་སུ་བརྗོད་པ་ཡིན་པའི་ཕྱིར་རོ། །དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི་གཡུལ་ཐམས་ཅད་ལས་ཡང་དག་པར་འདས་པར
129b7 ཡོངས་སུ་བརྗོད་པ་ཡིན་པའི་ཕྱིར་རོ། །དེ་བཞིན་གཤེགས་པའི་མཚན་ཡོངས་སུ་བརྗོད་པ་གང་ཡིན་པ་འདི་ནི་ཟིལ་གྱིས་མི་ནོན་པར་ཡོངས་སུ་བརྗོད་པ་དང་། ཞི་བར་ཡོངས་སུ་བརྗོད་པ་དང
iiif viewer powered by OpenSeadragon
