| e-texts navigator |
| Wylie |
128a1 ཡང་དག་པར་རྫོགས་པའི་སངས་རྒྱས་ཀྱིས་ཡོངས་སུ་བསྟན་དུ་གསོལ། །དེ་སྐད་ཅེས་གསོལ་ནས། བཅོམ་ལྡན་འདས་ཀྱིས་ལི་ཙ་བཱིའི་བུ་རྩལ་རབ་ལ
128a2 འདི་སྐད་ཅེས་བཀའ་སྩལ་ཏོ། །རྩལ་རབ། ཤར་ཕྱོགས་ན་འཇིག་རྟེན་གྱི་ཁམས་གྲགས་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
128a3 པའི་སངས་རྒྱས་སྒྲོན་མའི་རྒྱལ་པོ་ཞེས་བྱ་བ་བཞུགས་སོ། །རྩལ་རབ། ཤར་ཕྱོགས་ན་འཇིག་རྟེན་གྱི་ཁམས་སྐྱོ་བ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ
128a4 དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྩལ་བརྟན་དོན་གྲུབ་དགོངས་པ་ཞེས་བྱ་བ་བཞུགས་སོ། །རྩལ་རབ། ཤར་ཕྱོགས་ན་འཇིག་རྟེན་གྱི་ཁམས་བདེ་ལྡན
128a5 ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ལ་དགོངས་པ་རྒྱ་ཆེར་གྲགས་པ་ཅན་ཞེས་བྱ་བ་བཞུགས་སོ། །རྩལ
128a6 རབ། ཤར་ཕྱོགས་ན་འཇིག་རྟེན་གྱི་ཁམས་བགེགས་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས
128a7 པའི་རྒྱན་གྱི་དཔལ་ཞེས་བྱ་བ་བཞུགས་སོ། །རྩལ་རབ། ཤར་ཕྱོགས་ན་འཇིག་རྟེན་གྱི་ཁམས་ཆད་པ་སྤངས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ
iiif viewer powered by OpenSeadragon
