| e-texts navigator |
| Wylie |
126b1 དེ་ནི་སྦྱིན་པའི་བདག་པོར་འགྱུར། །ཐུབ་པ་རྣམས་ཀྱི་མཚན་འཛིན་པས། །བསྐལ་པ་བྱེ་བ་བརྒྱ་མང་དུ། །དེ་ཡི་ཁ་ནས་དྲི་འབྱུང་བ། །དྲི་བསུང་ཞིམ་པོ་འབྱུང་བར་འགྱུར། །ཐུབ་པ
126b2 རྣམས་ཀྱི་མཚན་འཛིན་པ། །རྫུ་འཕྲུལ་ཆེ་ཞིང་ཡིད་གཞུངས་ལ། །འདབ་མ་བྱེ་བ་སྟོང་ལྡན་པའི། །རིན་ཆེན་པདྨ་སྐྱེ་བར་འགྱུར། །མཚན་རྣམས་འདི་དག་འཛིན་བྱེད་པ། །ཕ་དང་མ
126b3 དང་རྩ་ལག་དང་། །སྤུན་རྣམས་ཀྱི་ནི་ཡིད་འོང་ཞིང་། །ནམ་ཡང་ཕོངས་པ་མཐོང་མི་འགྱུར། །བུད་མེད་ཀྱིས་ཀྱང་བློ་ལྡན་པ། །དེ་དག་རྣམས་ཀྱི་མཚན་ཐོས་ན། །བུད་མེད་ལུས་ལ་ཡིད
126b4 བྱུང་ནས། །མཁས་ཤིང་སྐྱེས་པར་སྐྱེ་བར་འགྱུར། །ལུས་ཅན་ཀུན་ལ་ཕན་པའི་ཕྱིར། །མྱུར་དུ་བྱང་ཆུབ་འཚང་རྒྱ་སྟེ། །ལྷ་དང་བཅས་པའི་འཇིག་རྟེན་གྱི། །རྟེན་དང་སྐྱབས་སུ་འབྱུང
126b5 བར་འགྱུར། །དེ་ལ་མཚོན་གྱིས་མི་ཚུགས་ཏེ། །དུག་གིས་མི་ཚུགས་མེས་མ་ཡིན། །གཡོན་ཅན་དག་དང་ཆོམ་རྐུན་དང་། །རྒྱལ་པོའང་དེ་ལ་གནོད་མི་འགྱུར། །ཐུབ་པ་རྣམས་ཀྱི་མཚན་འཛིན
126b6 པ|་|དེ་ལ་སྡིག་དང་ལྡན་པའི་བདུད། །ནག་པོའི་རྩ་ལག་བཞོན་བཅས་པས། །གླགས་ནི་རྙེད་པར་ཡོང་མི་འགྱུར། །ཞིང་རྣམས་བྱེ་བ་བསམ་ཡས་སུ། །དེ་ནི་མཁའ་ལས་འགྲོ་འགྱུར
126b7 ཏེ|་|ཕུན་སུམ་ཚོགས་པའི་ཞིང་དེར་ནི། །འཇིག་རྟེན་མགོན་པོ་རྣམས་ལ་བལྟ། །བརྟན་པ་སངས་རྒྱས་རྣམས་མཐོང་ནས། །དད་པ་བརྟན་པོ་ཐོབ་པར་འགྱུར། །དེ་ཡི་བསམ་པ་མཁྱེན
iiif viewer powered by OpenSeadragon
