| e-texts navigator |
| Wylie |
126a1 ནམ་ཡང་ཤེས་རབ་ཕུན་སུམ་ཚོགས་པ་ཤིན་ཏུ་རྒྱས་པ་དང་བྲལ་བར་མི་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས
126a2 པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །འཇིག་རྟེན་མགོན་པོ་འདི་དག་གི་།མཚན་རྣམས་མི་གང་འཛིན་བྱེད་པ། །དེ་ནི་ངན་འགྲོ་ཀུན
126a3 ཟློག་ནས། །རིང་པོ་མི་ཐོགས་བདེ་འགྲོར་འགྲོ། །རྫོགས་པའི་སངས་རྒྱས་མཉེས་པར་བྱེད། །དེ་ཡི་སེམས་ནི་དད་པར་འགྱུར། །རྟག་ཏུ་འཇིག་རྟེན་མགོན་མཐོང་ནས། །མཆོད་པ
126a4 དམ་པ་བྱེད་པར་འགྱུར། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བ་གྲངས་མེད་དུ། །དེ་ནི་འདུ་བའི་སྒོ་རྙེད་ཅིང་། །དེ་ནི་རྟག་ཏུ་བཀུར་བར་འགྱུར། །མཚན་རྣམས་འདི
126a5 དག་འཛིན་བྱེད་པ། །བསྐལ་པ་བྱེ་བ་གྲངས་མེད་དུ། །ལྷ་རྣམས་ཀྱིས་ནི་རྟག་ཏུ་མཆོད། །མྱུར་དུ་བྱང་ཆུབ་འཚང་རྒྱར་འགྱུར། །མཚན་རྣམས་འདི་དག་འཛིན་བྱེད་པ། །དེ་ནི་ཤེས་རབ
126a6 འཆལ་བའམ། །བླུན་པའམ་འོན་པར་ཡོང་མི་འགྱུར། །ཀུན་ཏུ་སངས་རྒྱས་མཐོང་བར་འགྱུར། །སངས་རྒྱས་རྣམས་ཀྱི་མཚན་འཛིན་པ། །དེ་ལ་ལྷ་ཀླུ་གནོད་སྦྱིན་དང་། །གསང
126a7 བ་ལྷ་དང་ལྷ་མིན་རྣམས། །ཉིན་དང་མཚན་དུ་སྲུང་བར་བྱེད། །མཚན་རྣམས་འདི་དག་འཛིན་བྱེད་པ། །དེ་ནི་གཟུགས་མཚན་ཕུན་སུམ་ཚོགས། །འབྱོར་བའི་རིགས་སུ་སྐྱེ་འགྱུར་ཞིང་། །
iiif viewer powered by OpenSeadragon
