| e-texts navigator |
| Wylie |
123a1 རྒྱ་གར་སྐད་དུ། ཨཱཪྱ་ཨཥྚ་མཎྜ་ལ་ཀཾ་ནཱ་མ་མཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་དཀྱིལ་འཁོར་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ། སངས
123a2 རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན
123a3 མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་ཐབས་གཅིག་ཏུ་བཞུགས་སོ། །བྱང་ཆུབ་སེམས་དཔའ་རབ་ཏུ་མང་པོ་ལ། འདི་ལྟ
123a4 སྟེ|་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྒྲ་དབྱངས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མི་ཕམ་པ་དང་། ངག་མཆོག་དང་། བློ་གྲོས་མཐའ
123a5 ཡས་དང་། དྲི་མེད་སྙིང་པོ་དང་། ཡེ་ཤེས་རྒྱལ་པོ་དང་། མཐའ་ཡས་སྡེ་དང་། ཡེ་ཤེས་སྣང་བ་དང་། ཡེ་ཤེས་སྒྲོན་མ་དང་། ཤེས་རབ་སྣང་བ་དང་། ཚངས་པས་བྱིན་དང་། བྱང
123a6 ཆུབ་སེམས་དཔའ་སེམས་དཔའ་ཆེན་པོ་ལྷའི་ཅོད་པན་དང་། དེ་དག་དང་། གཞན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་དབང་ཆེ་བ་དབང་ཆེ་བར་གྲགས་པ་ཤ་སྟག
123a7 དང་ཡང་ཐབས་གཅིག་གོ་། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ། སངས་རྒྱས་ཀྱི་ཞིང་འདི་ནས་ཤར་ཕྱོགས་ལོགས་སུ་འཇིག
iiif viewer powered by OpenSeadragon
