| e-texts navigator |
| Wylie |
120a1 འདྲེན་པ་ཡིན། །གལ་ཏེ་སེམས་ཅན་རྣམས་ཀྱིས་དེ་དག་ལ། །རྟག་ཏུ་དགའ་བས་ལོངས་སྤྱོད་ཀུན་བྱིན་ཡང་། །དེ་དག་རྣམས་ཀྱི་དང་པོའི་སེམས་བརྟེན་པ། །དེ་ལའང་ལན
120a2 གླན་བྱས་པར་མི་འགྱུར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བག་ཚ་བ་མེད་པར་གནས་པས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང
120a3 ཆུབ་སེམས་དཔའ་དེ་དག་གི་ལས་ཀྱི་སྒྲིབ་པ་དེ་གང་གིས་རྣམ་པར་དག་པར་འགྱུར་བའི་རྣམ་གྲངས་འགའ་ཞིག་མཆིས་ལགས་སམ། བཀའ་སྩལ་པ། ཡོད་དེ། བག་ཚ་བ་མེད་པར་གནས་པ། གལ་ཏེ་རིག
120a4 ཀྱི་བུ་དེ་དག་རབ་ཏུ་བྱུང་ནས་གཟུངས་སྔགས་ཀྱི་གཞི་དག་ཟློས་པར་བྱེད་ནའོ། །སྱཱད་ཡ་ཐེད་ན། ཨད་ཙྪ། ཨད་ཙྪ་བ་ཏི། ཨ་ནཱ་བི་ལེ། ཨ་ཀཱ+ེ་ཥེ། ཨ་ཀྲི་ཏེ། ཨ་ནཱ་ཡཱུ་ཧེ། ཨ་བེ། ཨ་པ་ཛི་ར་ཏེ། བྷ་བ་ཏུ། ཨཾ་ག་མི།
120a5 ཡུ་ཏཱ་ཛྙཱ་པ། པྲ་ཀྴི་བེ། ནིརྒ་ཏེ། ཨུ་གྲ་ཧེ། ཧུ་ཧུ་མེ། ཙ་བ་ལེ། ས་དེ། ས་མེ། ས་མ་དེ། ཡོ་ཏི། ན་ཡོ། པ་རི་ཤོ་དྷི། རིགས་ཀྱི་བུའམ། རིགས་ཀྱི་བུ་མོ་དེ་དག་གིས་གཟུངས་སྔགས་ཀྱི་གཞི་འདི་དག་བཟླས་ལ།
120a6 ཞག་བདུན་དུ་འཛིན་པ་མེད་པ་དང་། འཇོག་པ་མེད་པ་དང་། གཟུགས་མེད་པ་དང་། རྣམ་པར་རྟོག་པ་མེད་པ་དང་། རབ་ཏུ་དང་བ་མེད་པ་དང་། ཡུན་རིང་དུ་འགྲོ་བ་མེད་པ་དང་། བྱེད་པ་མེད་པ་དང་། གོས་པ་མེད་པ
120a7 དང་|་མཉམ་པའི་སེམས་དང་བྲལ་བ་དང་། ཕུང་པོ་ལྔ་དང་བྲལ་བ་དང་། མི་བཟོད་པ་མེད་པའི་ཚུལ་གྱིས་སངས་རྒྱས་རྗེས་སུ་དྲན་པའི་ཏིང་ངེ་འཛིན་བསྒོམ་པར་བྱ་དགོས་ཏེ། དེ་ནི་དེ་དག་ཕྱོགས་བཅུའི་སངས
iiif viewer powered by OpenSeadragon
