| e-texts navigator |
| Wylie |
119b1 དོ|་|དེ་ནི་ཆུ་ལ་སྤྱོད། ཆུ་ལ་བལྟའང་དེར་འཆི་བའི་དུས་བྱེད་པར་མི་འགྱུར་རོ། །རིགས་ཀྱི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་བ་ན་སྤྱོད་ཀྱང་དེ་ཉིད་དུ་བྱིས་པའི
119b2 སྤྱོད་པ་ལ་གནས་ནས་ཡེ་ཤེས་ཀྱི་སྤྱོད་པ་ཚོལ་ལོ། །ཆོས་ཡང་དག་པར་བླངས་པས་ཀྱང་རྨོངས་པར་མི་འགྱུར་རོ། །བྱིས་པ་དང་ལྷན་ཅིག་ཏུ་གནས་པས་སྲིད་པ་གསུམ་གྱི་སྡུག་བསྔལ
119b3 ཉམས་སུ་མྱོང་བར་ཡང་མི་འགྱུར་རོ། །དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་བདག་བསྲུང་བར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད
119b4 པ་འདི་དག་བཀའ་སྩལ་ཏོ། །བདེ་བར་གཤེགས་པ་གང་ཞིག་མཆོད་བྱ་དང་། །དེ་ལ་གང་ཞིག་ཕྱག་ཀྱང་འཚལ་འདོད་པ། །དེས་འདིར་བདེ་གཤེགས་སྲས་རྣམས་མཆོད་པར་བྱ། །
119b5 འདི་ནི་རྒྱལ་བ་རྣམས་ལ་མཆོད་པ་མཆོག་།ང་ཡི་གོས་དང་ལྷུང་གཟེད་གདིང་བ་དང་། །མལ་ཆ་དང་ནི་འཆགས་གང་ཡིན་པ། །གང་དག་བྱང་ཆུབ་དོན་དུ་བརྩོན་བྱེད་པ། །དེ་དག་ལ་ནི
119b6 ང་ཡིས་གནང་བ་ཡིན། །འདི་ལྟར་མི་མཆོག་སངས་རྒྱས་ཐམས་ཅད་ཀྱང་། །དེ་ལས་ངེས་པར་ཤིན་ཏུ་བྱུང་བའི་ཕྱིར། །སངས་རྒྱས་རྣམས་ལ་ཇི་ལྟར་མཆོད་བྱ་བ། །དེ་བཞིན་དེ་དག
119b7 ལ་ཡང་མཆོད་པར་བྱ། །དེ་དང་དེ་དག་མགོན་དང་མཁས་པ་སྟེ། །ལོང་བ་རྣམས་ལ་མིག་ཀྱང་སྦྱིན་པར་བྱེད། །ལམ་ལ་རྨོངས་པ་རྣམས་ཀྱི་སྟོན་པ་སྟེ། །འཆི་བ་མེད་པའི་ཕྱོགས་སུ
iiif viewer powered by OpenSeadragon
