| e-texts navigator |
| Wylie |
80a1 དེ་ལས་ཅུང་ཟད་ཙམ་ཞིག་བསྟན་ཏོ། །རིགས་ཀྱི་བུ། གང་གི་ཚེ་ན་བྱང་ཆུབ་སེམས་དཔའ་མར་མེ་མཛད་མཐོང་མ་ཐག་ཏུ་མི་སྐྱེ་བའི་ཆོས་ལ་བཟོད་པ་ཐོབ
80a2 པ་ཚུན་ཆད་བྱང་ཆུབ་སེམས་དཔའ་འཁྲུལ་པ་མེད། ཅ་ཅོ་མེད། དྲན་པ་ཉམས་པ་མེད་དེ། རིགས་ཀྱི་བུ། བྱང་ཆུབ་སེམས་དཔའ་བཟོད་པ་ཐོབ་པ་ནི། འདོད་ན་ནུབ་བདུན
80a3 གྱིས་བྱང་ཆུབ་ཐོབ་པར་འགྱུར་རོ། །འདོད་ན་སེམས་ཅན་ཡོངས་སུ་སྨིན་པར་བྱ་བའི་ཕྱིར་བསྐལ་པ་བརྒྱས་བྱང་ཆུབ་ཐོབ་པར་འགྱུར་རོ། །གལ་ཏེ་སླར་ཡང་སྲིད་པར་འོངས
80a4 ན་ཤེས་རབ་ཀྱི་སྟོབས་ཀྱིས་མཐུ་བསྐྱེད་པས་གང་གི་ཚེ་འདོད་པ་དེའི་ཚེ་འཚང་རྒྱའོ། །འདོད་ན་ཕྱི་མའི་མཐར་ཐུག་པར་གནས་ཀྱང་སྐྱོ་བར་མི་འགྱུར་ཏེ། དེ་ནི། བྱང་ཆུབ
80a5 སེམས་དཔའི་ཐབས་མཁས་པར་ཤེས་པར་བྱའོ། །རིགས་ཀྱི་བུ། གཞན་ཡང་ཉན་ཐོས་ནི། ཇི་ལྟར་བྱང་ཆུབ་སེམས་དཔའ་ཞི་བའི་ཏིང་ངེ་འཛིན་ལ་སྙོམས་པར་འཇུག་པ
80a6 བཞིན་དུ་ཏིང་ངེ་འཛིན་ཞི་བ་ཡིན་ཏེ། དེའི་ལུས་ཀྱང་མི་གཡོ། །དེའི་སེམས་ཀྱང་མི་གཡོ་ཞིང་བདག་ཡོངས་སུ་མྱ་ངན་ལས་འདས་པར་འཛིན་ཏོ། །བྱང་ཆུབ་སེམས་དཔའ
80a7 སེམས་དཔའ་ཆེན་པོ་ནི། ཞི་བའི་ཏིང་ངེ་འཛིན་དེ་ལ་སྙོམས་པར་ཞུགས་ནས་སེམས་ཅན་ཡོངས་སུ་སྨིན་པར་བྱེད་ཅིང་བསྡུ་བའི་དངོས་པོ་བཞིའི་བརྩོན་འགྲུས་ཀྱང་མི
iiif viewer powered by OpenSeadragon
