| e-texts navigator |
| Wylie |
62a1 བུ|་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི། ཕྱོགས་བཅུ་ན་ཤིང་ལས་བྱུང་བའི་མེ་ཏོག་གང་ཅི་ཡོད་པ་ཕྲ་མོ་ཡོངས་སུ་མ་བླངས་པ་རྣམས
62a2 དང་། ཕྱོགས་བཅུ་ན་གང་སྤོས་ཀྱི་ཤིང་ཡོད་པ་རླུང་གིས་ཁྱེར་བ་ཡོངས་སུ་མ་བླངས་པ་བདག་པོ་མེད་པ་དེ་དག་ཀྱང་སངས་རྒྱས་ཐམས་ཅད་ལ་དབུལ་ཞིང་དགེ་བའི་རྩ་བ
62a3 དེའང་ཐམས་ཅད་མཁྱེན་པ་ཉིད་དུ་བསྔོ་བར་བྱེད་དོ། །རིགས་ཀྱི་བུ། གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི། ཕྱོགས་བཅུ་ནས་སེམས་ཅན་གང་ཇི་སྙེད
62a4 བདེ་བའི་ཚོར་བ་མྱོང་བ་དེ་ཐམས་ཅད་ལ་བསམ་སྟེ་རྗེས་སུ་ཡི་རང་བར་བྱེད་དོ། །རྗེས་སུ་ཡི་རང་ནས་ཐམས་ཅད་མཁྱེན་པ་ཉིད་དུ་བསྔོ་བར་བྱེད་དོ། །གང་ཡང་ཕྱོགས་བཅུ
62a5 ན་སེམས་ཅན་སྡུག་བསྔལ་བའི་ཚོར་བ་མྱོང་བ་དེ་ཐམས་ཅད་ནི། འཆགས་སུ་འཇུག་སྟེ། གང་སེམས་ཅན་དེ་དག་གི་སྡུག་བསྔལ་ནི། བདག་ལ་ཤོག་ཅིག། དེ་དག་ནི།
62a6 བདེ་བར་གྱུར་ཅིག་ཅེས་དེ་ལྟ་བུའི་གོ་ཆ་གྱོན་ཞིང་དགེ་བའི་རྩ་བ་དེའང་བྱང་ཆུབ་ཏུ་བསྔོ་བར་བྱེད་དོ། །རིགས་ཀྱི་བུ། གཞན་ཡང་བྱང་ཆུབ་སེམས་དཔའ་ཐབས་མཁས་པ
62a7 ནི། དེ་བཞིན་གཤེགས་པ་གཅིག་ལ་ཕྱག་འཚལ་ན་དེ་བཞིན་གཤེགས་པ་ཐམས་ཅད་ལ་ཕྱག་འཚལ་བ་དེ་ལྟར་འཛིན་ཏེ། དེ་ནི། འདི་ལྟར་སློབ་བོ། །སངས་རྒྱས་ཐམས
iiif viewer powered by OpenSeadragon
