| e-texts navigator |
| Wylie |
60a1 མ་གུ། མཱ་ཏུ་ཤི་ཥ། ཤ་མ་ཙེ་ཏ་ནཱ་ཡ། ཀླེ་ཤཱནྟ་སཾ་ཤོ་ཥ་ཎེ་སྭཱ་ཧཱ། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ། ཁྱོད་ཀྱིས
60a2 མིག་ལས་རྒྱལ་བར་བྱེད་པའི་སེངྒེའི་འགྲོས་ཀྱི་ཕྱིར་བསྒྱིངས་པའི་གཟུངས་འདིས་སེམས་ཅན་དག་འཆི་བའི་ཚེ་ཐ་མའི་རྣམ་པར་ཤེས་པ་ལ་ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་།
60a3 ཆོས་ཀྱི་སྒྲིབ་པ་ཡོད་པ་སྦྲུག་པ་དང་། སངས་རྒྱས་ཀྱི་ཞིང་ཡོངས་སུ་དག་པར་གཏོང་ནུས་སོ། །ཁྱོད་ནི། འཇིག་རྟེན་གྱི་ཁམས་དཔག་ཏུ་མེད།
60a4 གྲངས་མེད་པར་འགྲོ་བ་དང་། སེམས་ཅན་རྣམས་ལ་སྙིང་རྗེའི་དབང་གིས་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང
60a5 དུ་གཟུགས་དང་། ཆ་ལུགས་དང་། སྤྱོད་ལམ་སྣ་ཚོགས་ཀྱིས་ཐེག་པ་ཆེན་པོའི་མདོས་དེ་སྣ་ཚོགས་འཆད་པ་དང་། སེམས་ཅན་ཡོངས་སུ་སྨིན་པར་བྱ་བ་དང་། རྒྱལ་རིགས
60a6 གདོལ་པ་ནས་དགེ་སྦྱོང་གདོལ་བའི་བར་དུ་སྡིག་པའི་ཆོས་ལས་སྤང་བ་དང་། ཐམས་ཅད་དགེ་བའི་ཆོས་ལ་གཞག་པར་ནུས་སོ། །བཅོམ་ལྡན་འདས་ཀྱིས་འདི་བསྟན
60a7 པའི་ཚེ་ལྷ་དང་། མིའི་སྐྱེ་རྒུ་དཔག་ཏུ་མེད། གྲངས་མེད་པ་དག་གིས་ཏིང་ངེ་འཛིན་དང་། གཟུངས་དང་། བཟོད་པ་སྣ་ཚོགས་ཐོབ་པར་གྱུར་ཏོ། །གཞན་དག་ཀྱང་ས་བཅུ་ལ
iiif viewer powered by OpenSeadragon
