| e-texts navigator |
| Wylie |
58b1 དེ་ལ་སྐར་མ་དང་། གཟའ་དང་། ཉི་མ་དང་། ཟླ་བའི་བྱེ་བྲག་མི་མངོན་ན་ནི། སྐད་ཅིག་དང་། ཐང་ཅིག་དང་། ཡུད་ཙམ་དང་། ཉིན་མོ་དང་། མཚན་མོ་དང་། དུས་དང་། ལོ་རྣམས་ཀྱི
58b2 བགྲང་བའང་མི་མངོན་ནོ། །རིགས་ཀྱི་བུ། དེ་བཞིན་དུ་དེ་བཞིན་གཤེགས་པའི་དོན་དམ་པ་སྟོང་པ་ཉིད་ཀྱི་དབང་དུ་སོང་བའི་སེམས་ནི། རང་བཞིན་གྱིས་དང་བའི་ཡོངས་སུ་དག་པ
58b3 ཡིན་མོད་ཀྱི། སེམས་ཅན་རྣམས་ཀྱི་གློ་བུར་དུ་བྱུང་བའི་ཉེ་བའི་ཉོན་མོངས་པ་རྣམས་ཀྱིས་སེམས་ཉེ་བར་ཉོན་མོངས་པར་བྱས་ཏེ། དེ་དག་གི་ཕྱིར་དེ་བཞིན་གཤེགས་པའི་ཐུགས་རྗེ
58b4 ཆེན་པོ་ཆུ་དང་མཚུངས་པས་ཆོས་འཆད་པར་མཛད་དོ། །སེམས་ཉོན་མོངས་པ་ཅན་དུ་གྱུར་པའི་སེམས་ཅན་རྣམས་ཀྱི་སེམས་ཡོངས་སུ་སྦྱོང་བར་མཛད་པས་ཡོངས་སུ་དག་པ་དང་།
58b5 དེ་དག་གི་སེམས་དྲི་མ་མེད་པར་འགྱུར་ཏེ། དེའི་ཕྱིར་སེམས་ཅན་དེ་དག་དེ་བཞིན་གཤེགས་པའི་ཉི་མ་ཤར་ནས་ཡེ་ཤེས་ཀྱི་འོད་ཟེར་གྱིས་ཚི་མ་པར་འགྱུར་རོ། །སངས་རྒྱས་ཀྱི་ཡོན
58b6 ཏན་བསམ་གྱིས་མི་ཁྱབ་པ་ལ་མངོན་སུམ་དུ་འགྱུར་ཏེ། འདི་ལྟ་སྟེ། དྲན་པ་ཉེ་བར་གཞག་པ་བཞི་ནས་འཕགས་པའི་ལམ་ཡན་ལག་བརྒྱད་པའི་བར་ལ་གནས་པར་འགྱུར་རོ། །
58b7 སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་གནས་པར་འགྱུར་རོ། །སེམས་ཅན་ཐམས་ཅད་སྙིང་རྗེ་ཉིད་ལ་ཤིན་ཏུ་གནས་པར་འགྱུར་རོ། །དེ་དག་ལས་ཀྱང་འཇིག་རྟེན
iiif viewer powered by OpenSeadragon
