| e-texts navigator |
| Wylie |
58a1 ཐོབ་པར་གྱུར་ནས་ཐམས་ཅད་ཀྱིས་ཐལ་མོ་སྦྱར་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་མཆོད་པ་དང་། བཀུར་སྟི་སྣ་ཚོགས
58a2 ཀྱིས་བཀུར་སྟིར་བྱེད། མེ་ཏོག་དང་། སྤོས་དང་། ཕྲེང་བ་དང་། བྱུག་པ་དང་། མར་མེ་དང་། བདུག་པ་དང་། གདུགས་དང་། རྒྱལ་མཚན་དང་། བ་དན་དང་། ཆོས་གོས་དང་། རྒྱན
58a3 དང་། གོས་དང་། བསྟོད་པ་དང་། གླུ་དང་། སིལ་སྙན་དག་གིས་མཆོད་པ་བྱེད་དོ། །བྱང་ཆུབ་སེམས་དཔའ་ནམ་མཁའི་སྙིང་པོ་དེས་ཀྱང་དེ་དག་ཐམས་ཅད་བཅོམ་ལྡན་འདས་ལ
58a4 ཕུལ་ལོ|་|ཕུལ་ནས་བཅོམ་ལྡན་འདས་ཀྱི་ཞབས་ལ་ཕྱག་བཙལ་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཉོན་མོངས་པ་ཅན་སྙིགས་མ་ལྔ་དང་ལྡན་པའི
58a5 སངས་རྒྱས་ཀྱི་ཞིང་འདིར་སེམས་ཅན་མ་རིག་པའི་མུན་པ་ཆེན་པོས་རྨོངས་པ་རྣམས་ལ་སངས་རྒྱས་ཀྱི་དོན་བགྱི་བར་ཇི་ལྟར་རྔོ་ཐོགས་ལགས། བཅོམ་ལྡན་འདས་ཀྱིས་བཀའ
58a6 སྩལ་པ|་འདི་ལྟ་སྟེ། རིགས་ཀྱི་བུ། ནམ་མཁའ་ནི། མ་བཅིངས་པ། མ་གྲོལ་བ། ཉོན་མོངས་པ་ཅན་མ་ཡིན་པ། མ་རྨོངས་པ། རང་བཞིན་གྱིས་དག་པའོ། །ནམ་མཁའ་ལ
58a7 རླུང་གི་རྐྱེན་གྱིས་རྡུལ་འཐུལ་ཞིང་རླུང་གིས་དཀྲུགས་པས་ཡོངས་སུ་མ་དག་པའི་མཚན་དུ་སྣང་སྟེ། ཆུས་ནི། ཞི་བར་བྱེད་ཅིང་དྲི་མ་མེད་ལ་ཡོངས་སུ་དག་པར་འགྱུར་རོ། །
iiif viewer powered by OpenSeadragon
