| e-texts navigator |
| Wylie |
57b1 བ་པའི་གཟུགས་སུ་སྤྲུལ་པར་བྱེད་པ་ནས་གཤིན་རྗེའི་འཇིག་རྟེན་པ་རྣམས་ལ་གཤིན་རྗེའི་འཇིག་རྟེན་གྱི་གཟུགས་ཀྱི་བར་དུ་སྤྲུལ་པར་བྱེད་དོ། །ཁ་ཅིག་ལ་ནི། མངོན་སུམ་དུ
57b2 སྤྲུལ་པ་སྤྲུལ་པར་བྱེད། ཁ་ཅིག་ལ་ནི། རྨི་ལམ་དུ་སྤྲུལ་པར་བྱེད། ཁ་ཅིག་ལ་ནི། སྡིག་པའི་ལས་སྤྲུག་པའི་ཕྱིར། ངན་སོང་ལས་བསྒྲལ་བའི་ཕྱིར། མཐོ་རིས་ལ་དགོད་པའི
57b3 ཕྱིར|་སེམས་ཅན་རྣམས་ཀྱི་དོན་གྱི་ཕྱིར་འཆི་འཕོའི་དུས་ཀྱི་ཚེ་རྣམ་པར་ཤེས་པ་ཐ་མ་རྒྱུ་བའི་ཚེ་གཟུགས་སྣ་ཚོགས་སུ་སྤྲུལ་པར་བྱེད་དེ། དེ་དག་ལ་ཐོག་མར་སྐྱབས་སུ་སོང
57b4 ཞིང་མཐོང་སྟེ། བདེ་བ་ཐོབ་ནས་མཐོ་རིས་ཀྱི་འཇིག་རྟེན་དུ་གནས་པའི་བདེ་བ་ཐོབ་པའི་བར་དུ་འགྱུར་བས་དེའི་ཕྱིར་སུས་ཀྱང་དེའི་སྤྲུལ་བ་ཐམས་ཅད་ཀྱི་ཚད་གཟུང་བར་མི་ནུས
57b5 སོ|་|དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་འདི་ནི། ཐབས་དང་ཡེ་ཤེས་ཀྱི་ཡོན་ཏན་གྱི་ཆོས་བསམ་གྱིས་མི་ཁྱབ་པ་དང་ལྡན་ནོ། །སངས
57b6 རྒྱས་ཀྱི་ཡོན་ཏན་ཆེན་པོ་དང་ལྡན་ནོ། །དེ་བས་ན། རིགས་ཀྱི་བུ་དེའི་ཡན་ལག་གི་མཆོག་མགོ་བོ་ལ་ཡིད་བཞིན་གྱི་ནོར་བུ་རིན་པོ་ཆེ་འདུག་པར་སྣང་ངོ་། །དེ་ནས་དེའི་ཚེ་འཁོར
57b7 འདུས་པ་ཐམས་ཅད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་ངོ་མཚར་ཐོབ། རྨད་དུ་བྱུང་བ་ཐོབ། བླ་མ་ལ་བཀུར་སྟི་དང་། བསྟི་སྟང་དུ་བྱ་བ
iiif viewer powered by OpenSeadragon
