| e-texts navigator |
| Wylie |
57a1 དེ་དག་ལ་དེ་ལྟར་ཐབས་ཀྱང་སྟོན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་དེ་ནི། དེ་ལྟ་བུའི་ཐབས་ཀྱི་ཡོན་ཏན་གྱི་ཆོས་དང་ལྡན
57a2 ནོ|་|བློ་རྒྱ་མཚོ་ཆེན་པོ་དང་ལྡན་ནོ། །རིགས་ཀྱི་བུ། རྒྱ་མཚོ་ཆེན་པོའི་ཆུའི་ཐིགས་པ་ནི། ལ་ལ་ཞིག་གིས་ཚད་གཟུང་བར་ནུས་སྲིད་ཀྱི། བྱང་ཆུབ་སེམས་དཔའ་སེམས
57a3 དཔའ་ཆེན་པོ་ནམ་མཁའི་སྙིང་པོ་ཐབས་དང་ཡེ་ཤེས་ལ་མཁས་པ་དང་། ཐབས་ཀྱིས་སེམས་ཅན་ཡོངས་སུ་སྨིན་པར་བྱ་བའི་ཚད་ནི། གཟུང་མི་ནུས་སོ། །རིགས་ཀྱི་བུ།
57a4 ཕྱོགས་བཅུའི་ནམ་མཁའ་མཐའ་ཡས་མུ་མེད་པ་ཐམས་ཅད་ཀྱི་ཚད་ནི། ལ་ལས་གཟུང་བར་ནུས་སྲིད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང
57a5 པོ་སེམས་ཅན་ཡོངས་སུ་སྨིན་པར་བྱ་བའི་ཕྱིར་རྣམ་པ་སྣ་ཚོགས་སུ་སྤྲུལ་བར་བྱེད་པ་ནི། ཚད་གཟུང་མི་ནུས་ཏེ། ལ་ལར་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར
57a6 སངས་རྒྱས་ཀྱི་གཟུགས་སུ་སྤྲུལ་བར་བྱེད་དོ། །ལ་ལར་ནི། བྲམ་ཟེའི་གཟུགས་སུ་བྱེད་ཅིང་། སེམས་ཅན་ཇི་ལྟ་བུས་འདུལ་བ་དེ་ལྟ་བུའི་གཟུགས་ཀྱི་བར་དུ་སྤྲུལ་བར་བྱེད
57a7 དེ|་དེ་དུད་འགྲོའི་སྐྱེ་གནས་སུ་སྐྱེས་པ་རྣམས་ཀྱི་ནང་དུ་ནི། དུད་འགྲོའི་གཟུགས་སུ་སྤྲུལ་པར་བྱེད་དོ། །སེམས་ཅན་དམྱལ་བ་པ་རྣམས་ཀྱི་ནང་དུ་ནི། སེམས་ཅན་དམྱལ
iiif viewer powered by OpenSeadragon
