| e-texts navigator |
| Wylie |
56a1 ཐུག་པ་དང་། གང་ནད་ཀྱིས་བཏབ་པ་དང་། ནད་ཀྱིས་འཇིགས་པ་དང་། གང་དག་ཆོས་གོས་དང་། བསོད་སྙོམས་དང་། མལ་ཆ་དང་། སྟན་དང་། ན་བའི་གསོས
56a2 སྨན་དང་། ཡོ་བྱད་ཀྱིས་ཕོངས་པ་དེ་དག་གལ་ཏེ་བྱང་ཆུབ་སེམས་དཔའ་ནམ་མཁའི་སྙིང་པོའི་མིང་ནས་བརྗོད་ཅིང་མཆོད་པ་ཅི་ནུས་ཀྱིས་བྱེད་ལ་སེམས་ཅན་ཐམས་ཅད་ལ་བྱམས
56a3 པའི་སེམས་ཀྱིས་གཞོག་ཅིང་འདི་སྐད་དུའང་སྨྲ་སྟེ། དགོངས་ཤིག་དགོངས་ཤིག་།ཐུགས་རྗེ་ཆེན་པོ་དང་ལྡན་པ་གྲགས་པ་ཆེན་པོ་ནམ་མཁའི་སྙིང་པོ་འགྲོ་བའི་དོན་བཞེད་པ།
56a4 ཐུགས་རྗེ་ཆེན་པོ་དང་ལྡན་པ་བདག་ལ་གཟིགས་ཤིག་།བདག་འདི་ལྟ་བུ་ལས་རབ་ཏུ་ཐར་པར་མཛོད་ཅིག་།སྐལ་པ་སྩོལ་ཅིག་།མཐུ་ཆེན་པོ། བདག་ནི། སྡུག་བསྔལ་གྱིས
56a5 ཉམ་ཐག་གོ་། ཤིན་ཏུ་དབུལ་ལོ། །བདག་ནི། ཁྱོད་ལ་བརྟེན་ནས་ཞི་བ་དང་བདེ་བ་ཚེ་འདི་དང་། ཚེ་རབས་གཞན་དུ་ཐོབ་པར་འགྱུར་རོ། །ཞེས་སྨྲས་པ་དང་། བྱང་ཆུབ་སེམས
56a6 དཔའ་ནམ་མཁའི་སྙིང་པོ་གཟུགས་ཐ་མལ་བ་ནས་བུ་མོའི་གཟུགས་ཀྱི་བར་གྱིས་སེམས་ཅན་དེ་དག་གི་མདུན་དུ་འདུག་སྟེ་དབུགས་འབྱིན་པར་བྱེད་དོ། །གང་དག་ཅི་ལས
56a7 འཇིགས་པ་དེ་དག་དེ་ལས་རབ་ཏུ་ཐར་བར་བྱེད་དོ། །གང་དག་དབུལ་བ་གོས་མེད་པ་ནས་གང་དག་ཡོ་བྱད་ཀྱིས་བྲེལ་བ་དག་གི་བར་དུ་དེ་དག་ལ་དེ་ལྟ་དེ་ལྟར་བསམ་པ་ཡོངས
iiif viewer powered by OpenSeadragon
