| e-texts navigator |
| Wylie |
89b1 པའི|་|བརྩོན་པ་དག་ཀྱང་ལེགས་པར་རྩོམ། །གང་དག་བྱང་ཆུབ་ལ་བརྟེན་པའི། །དགེ་བའི་ཆོས་རྣམས་ཚོལ་བ་དང་། །བསྒོམ་པར་བྱ་བ་སྒོམ་པ་དང་། །སྤང་བར་བྱ་བའང་རྣམ
89b2 པར་སྤོང་། །ཇི་ལྟར་སྤང་བྱ་སྤངས་པ་ཡིས། །མྱུར་དུ་མྱ་ངན་འདའ་བར་འགྱུར། །དགོན་པའི་གནས་ལ་མངོན་ཕྱོགས་ཤིང་། །གནོད་པ་དག་ལ་རྒྱབ་ཀྱིས་ཕྱོགས། །ཐོས་པ་ཚོལ
89b3 ལ་བརྩོན་པ་དག་། གོ་འཕང་མཆོག་ནི་རྟོགས་པར་འགྱུར། །དགེ་སློང་དགེ་སློང་མ་རྣམས་དང་། །དགེ་བསྙེན་དེ་བཞིན་དགེ་བསྙེན་མ། །ཐམས་ཅད་དང་ནི་དེ་དག་གིས། །འདྲིས་པ
89b4 རྣམ་པར་སྤང་བར་བྱ། །བྱིས་པའི་ལམ་ལ་བརྟེན་པ་ཡི། །རྨོངས་པ་ཀུན་ཀྱང་སྐྱབས་མེད་དེ། །གང་ཞིག་ཆོས་ལ་བརྟེན་པ་དང་། །དེ་དག་སངས་རྒྱས་མཆོག་ཏུ་གཞོལ། །མི་གང
89b5 སེམས་ཅན་དོན་དགའ་བའི། །སངས་རྒྱས་ཕ་དང་མ་ཡིན་ནོ། །གཡོ་མེད་ཆོས་ལ་འདོད་པ་དག་།བྱང་ཆུབ་ལ་ནི་རབ་ཏུ་དད། །སངས་རྒྱས་དག་ཏུ་མི་ལྟ་བའི། །མི་རྣམས་མཚན
89b6 ཉིད་གསུམ་གསུངས་ཏེ། །གཡོ་དང་ཆོས་མིན་འདོད་པ་དང་། །སྙོམ་ལས་དག་ལས་རྟག་དགའ་བའོ། །འདོད་ཆགས་ཞེ་སྡང་ང་རྒྱལ་དང་། །དེ་བཞིན་སྡིག་པ་རབ་སྤངས
89b7 ནས|་|བློ་ལྡན་བརྩོན་འགྲུས་ལྡན་གྱུར་པ། །བྱང་ཆུབ་ལ་ནི་རབ་གུས་འགྱུར། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཚེ་དང་ལྡན་པ་ཤཱ་རིའི་བུ་དང་། ལྷ་དང་། མི
iiif viewer powered by OpenSeadragon
