| e-texts navigator |
| Wylie |
88b1 ལ་གུས་བཅས་པའི། །ལྟ་བའི་གནས་ཀྱང་རྣམ་པར་སྤང་། །སེངྒེས་སྤངས་པའི་ཝ་བཞིན་དུ། །ཟིལ་གྱིས་མནན་པས་ཆོས་རྣམས་འཆང་། །རླུང་གིས་སྤྲིན་གྱི་ཚོགས་བཞིན་དུ། །མུ་སྟེགས
88b2 ཅན་དེ་ཟིལ་གྱིས་མནན། །ས་ལ་སྤྲིན་གྱི་ཚོགས་བཞིན་དུ། །ཆོས་ཀྱིས་ཡོངས་སུ་ཚིམ་པར་བྱེད། །སེམས་ཅན་རྣམས་ཀྱི་སྡུག་བསྔལ་ནི། །སྨན་པའི་རྒྱལ་པོ་བཞིན་དུ་སེལ། །སེམས
88b3 ནི་རྩེ་གཅིག་མཉམ་བཞག་པས། །དེ་དག་རྣམ་རྟོག་སྤྱོད་ཡུལ་མིན། །དེ་དག་ཁྲོ་བ་ལྷུར་མི་ལེན། །འཕྱར་བ་ལ་ཡང་མི་གནས་སོ། །དུས་དང་དུས་མིན་རྣམ་ཤེས་ཤིང་། །དོན་ཤེས
88b4 པ་ཡིས་རྣམ་པར་འདྲེན། །རྟག་ཏུ་བཟོད་སྟོབས་ལ་དགའ་རྣམས། །ཤེས་པའི་ལས་རྣམས་བྱེད་པར་འགྱུར། །མཁས་དང་མཐུ་ལ་བརྟན་པ་དང་། །ཆོས་ཤེས་པ་ལ་མཁས་པ་དང་།།
88b5 དཔའ་ཞིང་སེམས་སྟོབས་ཆེ་བ་སྟེ། །རླུང་གིས་ཆར་བའི་རྡུལ་བཞིན་དུ། །སྡིག་ཅན་རྣམས་ནི་ཟིལ་གྱིས་གནོན། །ཕྱོགས་རྣམས་དག་ཏུ་གསལ་གནས་པ། །ཉི་མ་འཆར་བ་ཇི་བཞིན
88b6 ནོ|་|མཁས་པ་དེ་དག་རང་དོན་ལ། །ཆེད་དུ་སྨྲ་བ་རྗོད་མི་བྱེད། །འཇིག་རྟེན་རྣམས་ལ་ཕན་པའི་ཕྱིར། །བསམ་གཏན་མངོན་ཤེས་དག་ལ་མཁས། །དེ་དག་རྣམ་པ་འདི་འདྲ་བས། །བདུད
88b7 ཀྱི་སྟེང་ན་གནས་པ་ཡིན། །སེམས་ཅན་རྣམས་ལ་བརྩེ་བའི་ཕྱིར། །འཇིག་རྟེན་མར་མེ་བྱེད་ཅིང་རྒྱུ། །ཤཱ་རིའི་བུ། གཞན་ཡང་ཆོས་བཞི་དང་ལྡན་ན། བྱང་ཆུབ་སེམས་དཔའ་བཟོད་པ
iiif viewer powered by OpenSeadragon
