| e-texts navigator |
| Wylie |
88a1 ཆོས་དེ་ཡོངས་སུ་ཚོལ་བ་ན། །མཁན་པོ་དག་དང་ཉེ་གནས་ནི། །གུས་པ་ཀུན་གྱིས་བྱ་བ་ཡིན། །རྟག་ཏུ་བྱམས་པ་ལ་གནས་ནས། །བྱས་པ་གཟོ་དང
88a2 བྱས་པ་ཚོར། །ངོ་ཚ་ཁྲེལ་ཡོད་ཕུན་སུམ་ཚོགས། །ཕྲག་དོག་ཚུལ་འཆོས་རྣམ་པར་སྤང་། །ནད་པ་རྣམས་ནི་གསོ་བྱེད་པ། །རྙེད་དཀའ་རིན་ཆེན་འདུ་ཤེས་ཀྱིས། །དེ་དག་འདུ་ཤེས
88a3 ཉེར་བཞག་ནས། །ལེགས་པར་བཤད་པ་ཡོངས་སུ་བཙལ། །དེ་དག་ཐོས་པས་བདེར་འགྱུར་དང་། །ཤེས་རབ་རྣོན་པོའང་སྐྱེ་འགྱུར་ཞིང་། །འདོད་ཆགས་ཞེ་སྡང་གཏི་མུག་དག།
88a4 ཐམས་ཅད་བྱམས་པས་ཞི་བར་འགྱུར། །དཔེར་ན་སྐྱེས་བུ་ཁྲུས་བྱས་ལ། །འགའ་ཡིས་ཕྲེང་བ་བྱིན་པ་ན། །ལག་པ་གཉིས་ཀྱིས་ཡོན་བླངས་ནས། །སྤྱི་བོ་ལ་ནི་འཇོག་པ
88a5 ལྟར|་|དེ་བཞིན་ལེགས་བཤད་ཐོས་ནས་ཀྱང་། །དགའ་བའི་སེམས་ནི་སྐྱེ་འགྱུར་བ། །རྒྱལ་སྲིད་ཐོབ་པའང་དེ་ལྟ་བུའི། །དགའ་བ་རྙེད་པ་མ་ཡིན་ནོ། །རྟག་ཏུ་དེ་དག་ཆོས་སྨྲ
88a6 ལ|་|མཆོག་ཏུ་བླ་མར་བྱ་བ་ཡིན། །ཆོས་ནི་རྫོགས་སངས་རྒྱས་མཚན་ཏེ། །ཆོས་ནི་དགྲ་བཅོམ་རྒྱལ་མཚན་ཡིན། །སངས་རྒྱས་ཆོས་རྣམས་ཐོས་ནས་ཀྱང་། །སྒྲུབ་པ་དག་ལ
88a7 རབ་གནས་ཤིང་། །ཚུལ་ཁྲིམས་ཐོས་པས་ངེས་འབྱུང་སྟེ། །དཔེར་ན་ཡར་ངོའི་ཟླ་བ་བཞིན། །མི་རྨོངས་ཞེ་སྡང་མེད་པ་ཡིས། །ལམ་མཆོག་དག་ནི་བསྟེན་པ་དང་། །བྱིས་པ་གང
iiif viewer powered by OpenSeadragon
