| e-texts navigator |
| Wylie |
49b1 སྐྱོན་ཆེས་ལྷག་པ་དེ་དག་མཁྱེན་ནས་བསླབ་པའི་གཞི་ལྷག་པ་དང་བཅའ་བར་མཛད་དོ། །ཤཱ་རིའི་བུ། ཆོས་ཀྱི་ཕུང་པོའི་ཆོས་ཀྱི་རྣམ་གྲངས་འདི་ཡང་དང་ཡང་དུ་འཁོར་བཞི་པོ་དག་ལ་སྟོན་ཅིག་།
49b2 དེ་ཅིའི་ཕྱིར་ཞེ་ན། འདོད་པ་རྣམས་ནི། སྨད་པར་བྱ་བ་ཡིན་པར་ཤེས་པར་འགྱུར། ལུས་ནི། སྨད་པར་བྱ་བ་ཡིན་པར་ཤེས་པར་འགྱུར་བའི་ཕྱིར་རོ། །ཤཱ་རིའི་བུ། དེ་ལྟར་ལུས་འདི་བཅོས་མ
49b3 ཡིན་པར་ཤེས་ནས་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་མ་གཏོགས་པར་སུ་ཞིག་འདོད་པ་རྣམས་ལ་སྟེན་པར་བྱེད་དེ། དེ་ནི། གནས་མེད་དོ། །ཤཱ་རིའི་བུ། དེ་ལྟ་བས་ན། ལུས་འདི
49b4 ལ་མངོན་པར་དགའ་བར་མི་བྱ། ལྷག་པར་ཆགས་པར་མི་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས་དེ་བཞིན་དུ་སྟོན
49b5 པས་གཞན་ཡང་འདི་སྐད་ཅེས་བཀའ་སྩལ་ཏོ། །ལུས་ནི་མི་གཙང་ལས་བྱུང་སྟེ། །རྟག་ཏུ་སྲོག་ཆགས་རྣམས་ཀྱང་གནས། །གཅིན་དང་རྟུག་པས་རབ་གང་ན། །དེ་ལ་བྱིས་པ་རབ་ཏུ་ཆགས་།
49b6 དགེ་སློང་བ་དང་དགེ་སློང་མ། །དགེ་བསྙེན་ཕ་དང་དགེ་བསྙེན་མ། །འདི་ཐོས་ནས་ནི་འདོད་ཆགས་འབྲལ། །འདོད་ཆགས་བྲལ་ནས་རྣམ་པར་གྲོལ། །ཆོས་དང་ལྡན་པ་རྣམས་ལ་ནི། །ཉེས
49b7 པ་འདི་དག་ངས་མ་བསྟན། །གང་དག་འདོད་ལ་ལོངས་སྤྱོད་པ། །དེ་དག་ལ་ནི་སྐྱོན་རྣམས་བཤད། །སངས་རྒྱས་ཀྱིས་ནི་བསྟན་པ་བཞིན། །བུད་མེད་མཐོང་ན་སུ་རྟོག་སྟེ། །ཡང་དག་བསྐུལ་བ
iiif viewer powered by OpenSeadragon
