| e-texts navigator |
| Wylie |
47b1 འདོད་པ་རྣམས་ནི། རྨའི་ཁ་ལྟ་བུའོ། །འདོད་པ་རྣམས་ནི། བལྟ་བར་མི་འོས་པའོ། །འདོད་པ་རྣམས་ནི། སྨད་པར་བྱ་བའོ། །འདོད་པ་རྣམས་ནི། བཤང་བས་ཡོངས་སུ་གང་བའི་རོ་ལྟ
47b2 བུའོ|་|ཞེས་དེ་ལྟར་སོ་སོར་ཡང་དག་པར་སློབ་བོ། །དེ་དག་ནི། བྱིས་པ་འཕྱར་བའི་སྤྱོད་ཡུལ་ཡིན་ཏེ། ཤཱ་རིའི་བུ། བུད་མེད་ལ་བསྟེན་པ་དང་བསྙེན་པས་ཆོག་གོ་།ཤཱ་རིའི་བུ། བུད
47b3 མེད་ཀྱི་ལུས་ཕྱིས་དང་མཆིལ་མས་ཡོངས་སུ་གང་བ་དེ་ལ་སུ་ཞིག་དགའ་སྟེ། ཤཱ་རིའི་བུ། དེ་དག་ནི། འཇིག་རྟེན་གྱི་ཁྱི་རོ་རུལ་པ་དང་འདྲ་བར་སྨད་པར་བྱ་བ་ཡིན་ནོ། །ཤཱ་རིའི་བུ་།
47b4 འདི་ལྟ་སྟེ། དཔེར་ན། ཁྱི་རོ་མི་གཙང་བ། རུལ་པ། དྲི་ང་བ། མདོག་མི་སྡུག་ཅིང་སྔོ་ལ་པགས་པ་མུགས་པ། སྲོག་ཆགས་ཀྱིས་ཡོངས་སུ་གང་བ་ཞིག་ལམ་ག་ན་སྣང་ལ། དེའི་སྟེང་ན
47b5 ཆར་པའང་བབ་ཅིང་དེ་རླུང་གིས་ཀྱང་ཀུན་ནས་བཏབ། དེར་མི་རྣམས་ཀྱང་ཀུན་ནས་འཁོར་བར་གྱུར་ཏེ། དེ་དག་གིས་དྲི་དེ་ཚོར་ན། ཤཱ་རིའི་བུ། འདི་ཇི་སྙམ་དུ་སེམས། མི་དེ་དག་དྲི་མི་ཞིམ
47b6 པ་དེ་སྣོམ་པར་བྱེད་དམ། འོན་ཏེ་མི་སྣོམ། གསོལ་པ། བཅོམ་ལྡན་འདས། དེ་ནི། མ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ
47b7 འདི་སྐད་ཅེས་བཀའ་སྩལ་ཏོ། །ཤཱ་རིའི་བུ། འདི་ཇི་སྙམ་དུ་སེམས། ཁྱི་རོ་དེ་ལ་རིག་པར་བྱེད་དམ། སྐྱོད་པར་བྱེད་དམ། མངོན་པར་དགའ་བར་བྱེད་ན། དེ་སྐྱེ་བོ་མང་པོས་བསྔགས་པར་བྱ
iiif viewer powered by OpenSeadragon
