| e-texts navigator |
| Wylie |
47a1 པ་གང་ཡིན་པ་དེ་ནི། གཟུགས་ཀྱི་ཕུང་པོར་འགྱུར་རོ། །ཤཱ་རིའི་བུ། བཅུ་པོ་འདི་དག་ནི། ཚུལ་ཁྲིམས་འཆལ་པའི་ཆལ་པའི་ཚུལ་ཁྲིམས་ཀྱི་ཉེས་པ
47a2 ཡིན་ཏེ|་བཅུ་གང་ཞེ་ན། ཚུལ་ཁྲིམས་འཆལ་པ་ནི། འཆི་བའི་དུས་ཀྱི་ཚེ་གདུང་བར་འགྱུར་བ་དང་། དགེ་སློང་ཚུལ་ཁྲིམས་ཉམས་པ་འགྱོད་པར་འགྱུར་བ་དང་། མནར་མེད་པར
47a3 འགྲོའོ|་|ཞེས་འཁོར་གྱི་ནང་ན་འདུག་ན་སྐྲག་པ་དང་། བདག་ཉིད་ཚུལ་ཁྲིམས་ལ་སྐུར་བ་འདེབས་པ་དང་། བདག་ནི། སངས་རྒྱས་རྣམས་ཀྱིས་ཡོངས་སུ་སྤངས་པ་དང་། བདག་ནི།
47a4 ཉན་ཐོས་རྣམས་ཀྱིས་ཡོངས་སུ་སྤངས་པ་དང་། བདག་ནི། ལྷ་རྣམས་ཀྱིས་ཡོངས་སུ་སྤངས་པའི་སྙམ་པ་དང་། འཆི་བའི་ཚེ་འཇིགས་པ་དང་བཅས་པ་དང་། ངན་འགྲོར་འགྲོ་བ་དང་།
47a5 མིའི་ལུས་ཐོབ་པར་དཀའ་བའོ། །ཤཱ་རིའི་བུ། དེ་དག་ནི། དགེ་སློང་ཚུལ་ཁྲིམས་འཆལ་བའི་འཆལ་པའི་ཚུལ་ཁྲིམས་ཀྱི་ཉེས་པ་སྟེ། ཚུལ་ཁྲིམས་འཆལ་པ་ནི། འཆི་བའི
47a6 དུས་ཀྱི་ཚེ་གདུང་བ་འབྱུང་བར་འགྱུར་རོ། །ཤཱ་རིའི་བུ། དེ་ལྟ་བས་ན་འདོད་པ་རྣམས་ལ་ཉེས་དམིགས་ཀྱི་འདུ་ཤེས་བསྐྱེད་པར་བྱའོ། །ཤཱ་རིའི་བུ། འདི་ལ་དགེ་སློང་དགོན་པ་ན
47a7 གནས་པའམ། ཤིང་དྲུང་ན་གནས་པའམ། ཁང་སྟོང་ན་གནས་པའམ། བླ་གབ་མེད་པ་ན་གནས་པ་ནི། འདོད་པ་རྣམས་ནི། དྲི་ང་བའོ། །འདོད་པ་རྣམས་ནི། མི་མཐུན་པའོ། །
iiif viewer powered by OpenSeadragon
