| e-texts navigator |
| Wylie |
46b1 ཆགས་དང་བྲལ་བར་འགྱུར་ཏེ། མངོན་པར་དགའ་ནས་ཚངས་པར་སྤྱད་པ་སྤྱོད་ཅིང་བཞིན་དང་འཕྲལ་བའི་མདངས་གསལ་བ་ཡིན་ནོ། །ཤཱ་རིའི་བུ། འདི་ནི། འདོད་པའི་ཕུང་པོ་ལས
46b2 བརྩམས་ནས་ཆོས་བསྟན་པ་ཡིན་ཏེ། ཤཱ་རིའི་བུ། འདོད་པ་ཡོངས་སུ་སྤྱོད་པ་དག་ལས་ཡིད་འབྱུང་བར་བྱའོ། །ཤཱ་རིའི་བུ། ཀུན་ནས་ཉོན་མོངས་པ་གང་ཞེ་ན། ཤཱ་རིའི་བུ། ཀུན་ནས་ཉོན
46b3 མོངས་པ་ནི། རང་གིས་བྱས་བའོ། །ཤཱ་རིའི་བུ། རྣམ་པར་བྱང་བ་དང་། རྣམ་པར་ཞི་བ་གང་ཞེ་ན། ཤཱ་རིའི་བུ། རྣམ་པར་བྱང་བ་དང་། རྣམ་པར་ཞི་བ་ནི། རང་གིས་བྱས་པའོ། །ཤཱ་རིའི་བུ།
46b4 ཀུན་ནས་ཉོན་མོངས་པ་ནི། གང་། རང་གིས་བྱས་པ་ནི། གང་ཞེ་ན། ཆོས་སུ་འདུ་ཤེས་པ་ལ་མངོན་པར་ཞེན་པ་གང་ཡིན་པའོ། །ཆོས་སུ་འདུ་ཤེས་པ་ལ་མངོན་པར་ཞེན་པ་གང་ཞེ་ན། འདི་ལྟ
46b5 སྟེ|་སྐྱེ་བར་འདུ་ཤེས་པ་དང་། འགག་པར་འདུ་ཤེས་པ་དང་། བདག་ཡོད་པ་དང་། བདག་མེད་པར་བདག་ཏུ་བདུ་ཤེས་པ་ལ་མངོན་པར་ཞེན་པ་ཡོད་དེ། དེ་ནི། དེ་བཞིན་གཤེགས་པས་ཆོས
46b6 ཀྱི་ཕུང་པོ་ཞེས་བཀའ་སྩལ་ཏོ། །ཤཱ་རིའི་བུ། བྱིས་པ་སོ་སོའི་སྐྱེ་བོ་རྣམས་ནི། ལོང་བ་ཡིན་ཏེ། གཟུགས་ཀྱི་ཕུང་པོའོ། །ཞེས་རློམ་སེམས་སུ་བྱེད། ཚོར་བ་དང་། འདུ་ཤེས་དང་། འདུ
46b7 བྱེད་རྣམས་དང་། རྣམ་པར་ཤེས་པའི་ཕུང་པོའོ། །ཞེས་རློམ་སེམས་སུ་བྱེད་དེ། རློམ་སེམས་སུ་བྱེད་ན་འཆིང་ངོ་། །རློམ་སེམས་སུ་མི་བྱེད་ན་གྲོལ་ལོ། །ཤཱ་རིའི་བུ། རློམ་སེམས་སུ་བྱེད
iiif viewer powered by OpenSeadragon
