| e-texts navigator |
| Wylie |
45a1 འདོད་ཆགས་ཀྱི་ཡོངས་སུ་གདུང་བས་གདུངས་པར་འགྱུར་ལ། ཁ་དོག་ངན་ཅིང་སྐྱ་སྐྱ་བོར་འགྱུར་རོ། །ཤཱ་རིའི་བུ། འདི་ལྟ་སྟེ། དཔེར་ན། ཤིང
45a2 ལྗོན་པ་ཆེན་པོའི་ལོ་མའམ། ལྗོན་པའི་འབྲས་བུ་སྨིན་པ་འབྲུལ་བའི་ཚེ་སྐྱ་བོར་འགྱུར་རོ། །ཤཱ་རིའི་བུ། དེ་བཞིན་དུ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ
45a3 བསྙེན་མ་གང་དག་ཁ་ཅིག་འདོད་པ་རྣམས་ཀྱི་ཉེས་དམིགས་ཡང་དག་པ་ཇི་ལྟ་བ་བཞིན་དུ་རབ་ཏུ་མི་ཤེས་པ་དེ་དག་ནི། འདོད་ཆགས་ཀྱི་ཡོངས་སུ་གདུང་བས་གདུངས་བར
45a4 འགྱུར|་ཁ་དོག་ངན་པར་འགྱུར། བསམ་པ་མི་གསལ་བར་འགྱུར། ཁ་དོག་ངན་ཅིང་བལྟ་ན་མི་སྡུག་པར་འགྱུར་རོ། །ཤཱ་རིའི་བུ། དགེ་སློང་གང་དག་གསར་བུ་དར་ལ
45a5 བབ་པ|་གཞོན་ནུ་རབ་ཏུ་བྱུང་ནས་རིང་པོ་མ་ལོན་པ་དེ་དག་ནི། འདོད་པ་རྣམས་དངོས་པོ་མེད་དོ། །ཞེས་འདོད་པ་རྣམས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །
45a6 འདོད་པའི་རྟོག་པ་སྐྱེས་ནའང་མྱུར་བ་ཉིད་དུ་རབ་ཏུ་ཞི་བར་བྱེད་དེ། །དེ་དག་མི་དགེ་བ་ཡིན་པར་ཤེས་པར་ཡང་བྱེད། ཤཱ་རིའི་བུ། དེ་ལྟར་ན། དགེ་སློང་དག་གིས་འདོད་པ
45a7 རྣམས་ཀྱི་ཉེས་དམིགས་མཐོང་ནས་འདོད་པ་དེ་དག་ལས་ཡིད་འབྱུང་བར་བྱེད། འདོད་ཆགས་དང་བྲལ་བར་བྱེད་དེ། མངོན་པར་དགའ་ནས་ཚངས་པར་སྤྱད་པ་སྤྱོད། བཞིན་དང
iiif viewer powered by OpenSeadragon
