| e-texts navigator |
| Wylie |
43b1 རིའི་བུ|་སྐྱེས་བུ་ངན་པ་རྣམས་ཀྱིས་ནི། སྐྱོ་བའམ་ཡིད་འབྱུང་བར་མི་ནུས་སོ། །དེ་ཅིའི་ཕྱིར་ཞེ་ན། ཤཱ་རིའི་བུ། འདི་ལྟར་སྐྱེས་བུ་ངན་པ་དེ་དག་ནི། འདོད་པ་ལ་ཀུན་ཏུ་རྟོག་པ་རྣམས
43b2 ཀྱིས་ཀུན་ཏུ་རྟོག་པ་རྣམས་དང་ལྡན་པའི་ཕྱིར་རོ། །ཤཱ་རིའི་བུ། སྐྱེས་བུ་ངན་པ་རྣམས་ཀྱིས་ཀུན་ཏུ་རྟོག་པ་རྣམས་གང་ཞེ་ན། གང་དག་མེད་པ་ལ་རྟོག་པར་བྱེད་པ་སྟེ། མི་གཙང་བ་ལ་གཙང
43b3 བར་རྟོག་པར་བྱེད། འདུ་ཤེས་མེད་པ་ལ་འདུ་ཤེས་སུ་རྟོག་པར་བྱེད། བུད་མེད་ལ་བུད་མེད་དུ་རྟོག་པར་བྱེད། འདོད་ཆགས་དང་བཅས་པ་ལ་འདོད་ཆགས་དང་བཅས་པར་རྟོག་པར
43b4 བྱེད་པ་སྟེ། ཤཱ་རིའི་བུ། དེ་ལྟ་བུ་དེ་དག་ནི། སྐྱེས་བུ་ངན་པ་རྣམས་ཀྱི་ཀུན་ཏུ་རྟོག་པ་རྣམས་ཡིན་ནོ། །ཤཱ་རིའི་བུ། དེ་དག་ནི། ཟ་མ་དང་མ་ནིང་འདོད་པས་ཟིན་པ་རྣམས་ཀྱི་ལས་རྣམས
43b5 ཡིན་ཏེ|་དེ་དག་སྐྱེས་བུ་དམ་པའི་ལས་རྣམས་ནི། མ་ཡིན་ནོ། །ཤཱ་རིའི་བུ། མ་ནིང་གང་ལ་ལ་ཞིག་སྐྱེས་བུ་ངན་པ་རྣམས་ཀྱི་ཀུན་ཏུ་རྟོག་པ་དེ་ལྟ་བུ་དག་ལ་ཀུན་ཏུ་རྟོག་པར་བྱེད་པ་ནི།
43b6 བདག་གིས་རེག་གོ་།ཞེས་ཉམས་སུ་མྱོང་བར་བྱེད་དེ། བུ་ག་དགུའི་སྒོ་དང་ལྡན་པ་འདི་མི་གཙང་བ་འཛག་པ་འདི་ལ་གཙང་བར་འདུ་ཤེས་སྐྱེད་པར་བྱེད་དོ། །འདི་དག་ཐམས་ཅད་ནི། བྱ་བ
43b7 མ་ཡིན་པ་སྟེ། དེ་དག་ནི། སྐྱེས་བུ་དམ་པའི་ལས་རྣམས་མ་ཡིན་ནོ། ཤཱ་རིའི་བུ། དགེ་སློང་ངམ། བྲམ་ཟེ་གང་ལ་ལ་དག་འདོད་པའི་ཉེས་དམིགས་ཡང་དག་པ་ཇི་ལྟ་བ་བཞིན་དུ་མི
iiif viewer powered by OpenSeadragon
