| e-texts navigator |
| Wylie |
42b1 ཤཱ་རིའི་བུ། ཆོས་འགའ་ཞིག་ལ་ཆོས་ཤེའམ། ཆོས་གང་ཡང་སྐྱེ་བའམ་འགག་པ་ཞེས་ང་མི་སྨྲའོ། །དེ་ཅིའི་ཕྱིར་ཞེ་ན། ཤཱ་རིའི་བུ། ཆོས་ཐམས་ཅད་ནི། སྐྱེ་བ་མེད་པའི་ཆོས་ཅན་དང་།
42b2 འགག་པ་མེད་པའི་ཆོས་ཅན་ཡིན་པའི་ཕྱིར་རོ། །ཤཱ་རིའི་བུ། འདི་ལྟ་སྟེ། དཔེར་ན། མ་ནིང་ནི། སྐྱེས་པའམ་བུད་མེད་ཅེས་བྱ་བའི་མིང་མི་འཐོབ་ཅིང་། སྐྱེས་པའམ་བུད་མེད་ཅེས་བརྗོད
42b3 པར་བྱ་བ་མ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ། དེ་ནི། སྐྱེས་པའམ་བུད་མེད་དུ་གདགས་སུ་མེད་པའི་ཕྱིར་རོ། །ཤཱ་རིའི་བུ། དེ་བཞིན་དུ་ཆོས་ཐམས་ཅད་དེ་བཞིན་གཤེགས་པས
42b4 བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། དེའི་ཕྱིར་ཆོས་ཀྱིས་ཆོས་རབ་ཏུ་ཤེས་སོ། །ཞེས་བརྗོད་པར་མི་བྱའོ། །ཤཱ་རིའི་བུ། འདི་ལྟ་སྟེ། དཔེར
42b5 ན|་ཟ་མའམ། མ་ནིང་ནི། འདོད་པའི་འདོད་ཆགས་སྦངས་པའང་མ་ཡིན་ལ་འདོད་པ་ལ་སྟེན་པའང་མ་ཡིན་ནོ། །ཤཱ་རིའི་བུ། དེ་དག་གིས་བུད་མེད་སྡུག་གུ་མཐོང་ནས་འདོད་ཆགས
42b6 ཀྱི་སེམས་སྐྱེས་པས་ཟ་མའམ་མ་ནིང་རྣམས་ལས་ཕལ་ཆེར་བྱིན་པ་ནད་ཀྱིས་བཏབ་པར་འགྱུར། བྱིན་པ་འཛག་པར་འགྱུར། བྱིན་པ་ཁར་བ་ལྟ་བུར་འགྱུར། བཞིན་དམར་པོར་འགྱུར་རོ།།
42b7 ཤཱ་རིའི་བུ། །འདི་ཇི་སྙམ་དུ་སེམས། ཟ་མའམ། མ་ནིང་གང་ཡིན་པ་དེ་ལ་མ་འགྱེལ། དེའི་ལས་ལ་མཚོན་གྱིས་མ་བཏབ་པར་ཅིའི་ཕྱིར་དེ་དག་བྱིན་པ་ན་བར་འགྱུར་སྙམ། དེ་སྐད
iiif viewer powered by OpenSeadragon
