| e-texts navigator |
| Wylie |
40b1 སྐོམ་པར་ཡང་གྱིས་ཤིག་། སྐོམ་པའང་སོལ་ཅིག་།སྐོམ་པ་མེད་པར་མ་བྱེད་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཆབ་ཀྱི་ནང་ནམ་མཆིས་པ
40b2 ལགས|་ཇི་ལྟར་ན། རྟག་ཏུ་སྐོམ་པ་ལགས། ཇི་ལྟར་ན། སྐོམ་པ་བསལ་བ་ལགས། ཇི་ལྟར་ན། སྐོམ་པ་མ་མཆིས་པར་མི་བགྱིད་པ་ལགས། བཀའ་སྩལ་པ། ཆུའི་ནང་ན་འདུག་པར་བྱ
40b3 བ་ནི|་ཆོས་ཀྱི་ཚུལ་གནས་པར་བྱ་བའོ། །རྟག་པར་སྐོམ་པར་བྱ་བ་ནི། ཆོས་ཀྱིས་སྐོམ་པར་བྱས་པའོ། །སྐོམ་པ་བསལ་བ་ནི། ཆོས་ཀྱིས་ཆོས་ཀྱི་བྱ་བ་བསྒྲུབ་པའོ། །སྐོམ་པ་མེད་པར་མི་བྱ
40b4 བ་ནི|་འདུས་མ་བྱས་སུ་ལྟུང་བར་མི་བྱ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། གཅིག་པུ་གྲོགས་མེད་པར་ཡང་གྱིས་ཤིག་།གཡོག་མང་པོ་དང་། འཁོར་མང་པོ་དང་ལྡན་པར
40b5 ཡང་གྱིས་ཤིག་། གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་གཅིག་པུ་གྲོགས་མ་མཆིས་པར་ཡང་བགྱིད་པ་ལགས། ཇི་ལྟར་ན། གཡོག་མང་པོ་དང་།
40b6 འཁོར་མང་པོ་དང་ལྡན་པ་ལགས། བཀའ་སྩལ་པ། གཅིག་པུ་གྲོགས་མེད་པར་བྱ་བ་ནི། དགེ་བའི་རྩ་བ་ཐམས་ཅད་ཡང་དག་པར་སྒྲུབ་པ་ལའོ། །གཡོག་མང་པོ་དང་ལྡན་པར་བྱ་བ་ནི།
40b7 དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱི་ཉེ་བར་འཚོ་བར་བྱ་བའོ། །འཁོར་མང་པོ་དང་ལྡན་པར་པ་བ་ལ། འཁོར་མང་པོ་ཞེས་བྱ་བ་ནི། བྱང་ཆུབ་ཀྱི་ཕྱོགས་ཀྱི་ཆོས་ཏེ། དེ་ནི། ཚུལ་ལོ། །རིགས
iiif viewer powered by OpenSeadragon
