| e-texts navigator |
| Wylie |
40a1 བཀའ་སྩལ་པ། སྨད་པ་ནི། མི་དགེ་བའི་ཆོས་ཐམས་ཅད་སྨད་པའོ། །བསྟོད་པ་ནི། དགེ་བའི་ཆོས་ཐམས་ཅད་བསྟོད་པའོ། །བསྙེན་པ་ནི། འཕགས
40a2 པའི་ལམ་མོ། །སྤང་པ་ནི། མི་དགེ་བའི་ཕྱོགས་ཀྱི་ལམ་ཐམས་ཅད་དེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། གྲོང་དང་། གྲོང་ཁྱེར་དང་། ཡུལ་འཁོར་དང་། ཕོ་བྲང
40a3 འཁོར་དག་ཏུ་ནི། བསམ་གཏན་གྱི་སྟོབས་སྟོན་ཅིག་།དགོན་པ་དང་། བས་མཐའ་རྣམས་སུ་ནི། ཉོན་མོངས་པ་ཆུང་བར་སྟོན་ཅིག་།གསོལ་པ། བཅོམ་ལྡན་འདས། ཇི་ལྟར་ན་།
40a4 བྱང་ཆུབ་སེམས་དཔའ་རྣམས་གྲོང་དང་། གྲོང་ཁྱེར་དང་། ཡུལ་འཁོར་དང་། ཕོ་བྲང་འཁོར་རྣམས་སུ་བསམ་གཏན་གྱི་སྟོབས་སྟོན་པ་ལགས། ཇི་ལྟར་ན། དགོན་པ་དང་། བས
40a5 མཐའ་རྣམས་སུ་ཉོན་མོངས་པ་ཆུང་བར་སྟོན་པ་ལགས། བཀའ་སྩལ་པ། གྲོང་དང་། གྲོང་ཁྱེར་དང་། ཡུལ་འཁོར་དང་། ཕོ་བྲང་འཁོར་དག་ཏུ་ཕྱིན་པ་ན་གཟུགས་དང་། སྒྲ་དང་། དྲི
40a6 དང་། རོ་དང་། རེག་བྱ་རགས་པ་དག་སྣང་བར་འགྱུར་ཏེ། དེ་དག་ནི། བསམ་གཏན་གྱི་སྟོབས་ཀྱིས་མནན་པར་བྱའོ། །དགོན་པ་དང་། བས་མཐའ་རྣམས་ན་འདུག་པའི་ཚེ་ཉོན་མོངས་པ
40a7 གང་དག་སྐྱེ་བར་འགྱུར་བ་དེ་དག་ནི། དབེན་པའི་ཡོན་ཏན་གྱིས་མནན་པར་བྱ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཆུའི་ནང་ནའང་འདུག་པར་གྱིས་ཤིག་།རྟག་པར
iiif viewer powered by OpenSeadragon
