| e-texts navigator |
| Wylie |
39b1 བའི་སེམས་ཏེ། དེ་གཉིས་ནི། བྱང་ཆུབ་སེམས་དཔས་བསྲུང་བར་བྱའོ། །ཆགས་པ་རྣམས་ལ་སྤྱད་པ་ནི། འདོད་པ་དང་། གཟུགས་དང་། གཟུགས་མེད་པ་རྣམས་སུའོ། །ཆགས་པ་མེད་པ
39b2 ཉིད་དུ་མི་ལྟུང་བ་ནི། མངོན་པར་འདུ་བྱ་བ་མེད་པར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཡང་བར་ཡང་གྱིས་ཤིག་།ཁུར་ཆེན་པོའང་ཁྱེར་ཅིག་།མ་བླངས་པ་ནི། མ་ལེན
39b3 ཅིག་། བླངས་པ་ནི། ཉམས་འོག་ཏུ་ཆུད་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཡང་བ་ལགས། ཇི་ལྟར་ན། ཁུར་ཆེན་པོ་ཁྱེར་བ
39b4 ལགས|་ཇི་ལྟར་ན། མ་བླངས་པ་མི་ལེན་པ་ལགས། ཇི་ལྟར་ན། བླངས་པ་ཉམས་འོག་ཏུ་ཆུད་པར་བགྱིད་པ་ལགས། བཀའ་སྩལ་པ། ཡང་བར་བྱ་བ་ནི། ཉོན་མོངས་པ་ཐམས
39b5 ཅད་བཅད་དོ། །ཁུར་ཆེན་པོ་སྐུར་བ་ནི། སེམས་ཅན་ཐམས་ཅད་དོ། །མ་བླངས་པ་མི་བླང་པ་ནི། ཉན་ཐོས་དང་རང་སངས་རྒྱས་ཀྱི་ཐེག་པའོ། །བླངས་པ་ཉམས་འོག་ཏུ་ཆུད་པར་བྱ་བ་ནི། ཐེག
39b6 པ་ཆེན་པོ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། སྨད་པར་ཡང་གྱིས་ཤིག་།བསྟོད་པར་ཡང་གྱིས་ཤིག་།ཉེ་བར་བསྙེན་པར་ཡང་གྱིས་ཤིག་།སྤང་པར་ཡང་གྱིས་ཤིག་།གསོལ
39b7 པ|་བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་སྨོད་པ་ལགས། ཇི་ལྟར་ན། བསྟོད་པ་ལགས། ཇི་ལྟར་ན། ཉེ་བར་བསྙེན་པ་ལགས། ཇི་ལྟར་ན། སྤང་བ་ལགས་།
iiif viewer powered by OpenSeadragon
