| e-texts navigator |
| Wylie |
37b1 འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སྙོམས་པར་འཇུག་པ་ལས་ལོག་སྟེ་འདོད་པའི་ཁམས་སུ་སྣང་བར་བྱ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། བདུད་རྩི་དང
37b2 དུག་ཏུ་མ་འདྲེས་པར་གྱིས་ཤིག་། དུག་མེད་པ་རྣམས་དང་མ་སྟེན་ཅིག་།དུག་དང་ལྡན་པ་རྣམས་ལ་བདུད་རྩིའི་སྦྱིན་པ་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ
37b3 སེམས་དཔའ་རྣམས་བདུད་རྩི་དང་དུག་ཏུ་མ་འདྲེས་པ་ལགས། ཇི་ལྟར་ན། དུག་མ་མཆིས་པ་རྣམས་དང་མི་སྟེན་པ་ལགས། ཇི་ལྟར་ན། དུག་དང་ལྡན་པ་རྣམས་ལ་བདུད་རྩིའི་སྦྱིན་པ
37b4 བགྱིད་པ་ལགས། བཀའ་སྩལ་པ། བདུད་རྩི་ཞེས་བྱ་བ་ནི། བག་ཡོད་པའོ། །དུག་ཅེས་བྱ་བ་ནི། བག་མེད་པ་སྟེ། དེ་ལ་བྱང་ཆུབ་སེམས་དཔས་བག་ཡོད་པར་བྱ་ཞིང་བག་མེད་པའི
37b5 སེམས་དང་མ་འདྲེས་པར་བྱའོ། །དུག་མེད་པ་རྣམས་ཞེས་བྱ་བ་ནི། ཉན་ཐོས་རྣམས་ཏེ། དེ་དག་དང་བསྟེན་པར་མི་བྱའོ། །དུག་དང་ལྡན་པ་ཞེས་བྱ་བ་ནི། སོ་སོའི་སྐྱེ་བོ་རྣམས་ཏེ། དེ་དག
37b6 ལ་བདུད་རྩི་བསྟན་པར་བྱ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། མངོན་པར་དགའ་བར་བྱ་བ་ལ་ནི། མངོན་པར་དགའ་བར་མ་བྱེད་ཅིག་།མངོན་པར་དགའ་བར་མི་བྱ་བ་ལ
37b7 ནི|་མངོན་པར་དགའ་བར་གྱིས་ཤིག་། དགའ་བ་དང་འདོད་ཆགས་དང་ལྡན་པར་ཡང་གྱིས་ཤིག་།དགའ་བ་དང་འདོད་ཆགས་ཡོངས་སུ་བཅད་པར་ཡང་གྱིས་ཤིག། །གསོལ་པ། བཅོམ་ལྡན་འདས།
iiif viewer powered by OpenSeadragon
