| e-texts navigator |
| Wylie |
26a1 ནི། གཟུགས་མེད་པའི་སྙོམས་པར་འཇུག་པ་རྣམས་སོ། །ཆགས་རྣམས་ལ་སྤྱད་པ་ནི། སྐྱེ་མཆེད་དྲུག་བཅད་པའོ། །ཆགས་པར་ཞེན་པ་ལ་ལྟ་བ་ནི།
26a2 སོ་སོའི་སྐྱེ་བོ་ཡོངས་སུ་སྨིན་པར་བྱའོ། །ཆགས་པ་མེད་པ་སྲུང་བ་ནི། སྐྱོན་མེད་པར་མི་འཇུག་པ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། འཇིགས་པར་གྱིས་ཤིག།
26a3 མངོན་པར་དགའ་བ་མེད་པར་གྱིས་ཤིག། སྙིང་བརྩེ་བ་མེད་པར་གྱིས་ཤིག་།སྙིང་རྗེ་བ་མེད་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ
26a4 རྣམས་འཇིགས་པར་བགྱིད་པ་ལགས། ཇི་ལྟར་ན། མངོན་པར་དགའ་བ་མ་མཆིས་པ་ལགས། ཇི་ལྟར་ན། སྙིང་བརྩེ་བ་མ་མཆིས་པ་ལགས། ཇི་ལྟར་ན། སྙིང་རྗེ་བ་མ་མཆིས
26a5 པ་ལགས། བཀའ་སྩལ་པ། འཇིགས་ཞེས་བྱ་བ་ནི། ཉན་ཐོས་དང་རང་སངས་རྒྱས་ཀྱི་སས་འཇིགས་པའོ། །མངོན་པར་དགའ་བ་མེད་ཅེས་བྱ་བ་ནི། གཟུགས་མེད་པའི་སྙོམས
26a6 པར་འཇུག་པ་རྣམས་ལ་དགའ་བ་མེད་པའོ། །སྙིང་བརྩེ་བ་མེད་པ་ནི། ཕྱི་རོལ་གྱི་དངོས་པོ་རྣམས་ཡོངས་སུ་བཏང་བ་ལའོ། །སྙིང་རྗེ་བ་མེད་པ་ནི། ནང་གི་དངོས་པོ་མགོ་ལ་སོགས་པ
26a7 ཡོངས་སུ་བཏང་བ་ལ་སྟེ། དེ་ནི། ཚུལ་ལོ། །རིགས་ཀྱི་བུ་དག། དེ་ལྟ་བས་ན། བདེན་པའང་ཁོང་དུ་ཆུད་པར་གྱིས་ཤིག་།བརྫུན་དུ་སྨྲ་བའང་མ་སྤོངས་ཤིག་།གསོལ་པ། བཅོམ་ལྡན
iiif viewer powered by OpenSeadragon
