| e-texts navigator |
| Wylie |
25a1 ལྟར་ན|་དུས་ལ་བབ་ན་མི་ཉལ་བ་ལགས། ཇི་ལྟར་ན། ཉལ་བ་རྣམས་སློང་བ་ལགས། ཇི་ལྟར་ན། རྟག་ཏུ་ཉལ་བ་ལགས། བཀའ་སྩལ་པ།
25a2 དུས་མ་ཡིན་པར་མི་ལྡང་བ་ནི། སྣོད་དུ་མ་གྱུར་བ་རྣམས་ལ་ཆོས་མི་བསྟན་པའོ། །དུས་ལ་བབ་ན་མི་ཉལ་བ་ནི། སྣོད་དུ་གྱུར་པ་ལས་འདའ་བར་མི་བྱའོ། །ཉལ་བ་རྣམས་བསླང་བ་ནི།
25a3 དུས་དང་དུས་མ་ཡིན་པས་བསྐུལ་བའོ། །རྟག་ཏུ་ཉལ་བ་ནི། སྙོམས་པར་འཇུག་པ་ལས་མི་ལྡང་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཡིད་བརྟན་པ་མེད་པར
25a4 གྱིས་ཤིག། ཡིད་བརྟན་པ་གཞིག་པར་གྱིས་ཤིག་།ཡིད་མ་བརྟན་པ་རྣམས་ལ་ཡིད་བརྟན་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས
25a5 ཡིད་མི་རྟོན་པ་ལགས། ཇི་ལྟར་ན། ཡིད་བརྟན་པ་འཇིག་པར་བགྱིད་པ་ལགས། ཇི་ལྟར་ན། ཡིད་མ་བརྟན་པ་རྣམས་ལ་ཡིད་རྟོན་པ་ལགས། བཀའ་སྩལ་པ། ཡིད་མི་བརྟན
25a6 ཞེས་བྱ་བ་ནི། གཟུགས་མེད་པའི་སྙོམས་པར་འཇུག་པ་རྣམས་ལ་ཡིད་མི་བཞག་པའོ། །ཡིད་བརྟན་པ་ཞིག་པར་བྱ་བ་ནི། སྙོམས་པར་འཇུག་པ་བཟློག་པའོ། །ཡིད་མ་བརྟན་པ
25a7 རྣམས་ལ་ཡིད་བརྟན་པར་བྱ་བ་ནི། ལོག་པར་ཞུགས་པ་རྣམས་ལ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ནོར་དང་ལྡན་པར་གྱིས་ཤིག་།བྱས་པ་ཤེས་པ་མེད་པར
iiif viewer powered by OpenSeadragon
