| e-texts navigator |
| Wylie |
24b1 ལགས|་ཇི་ལྟར་ན། སེམས་དཔའ་བ་ཅན་ལགས། བཀའ་སྩལ་པ། ཉོན་མོངས་པ་སེལ་བས་རང་གི་སེམས་ཡོངས་སུ་སྦྱོང་བར་བྱེད་པ་ཡིན། ཁོང་ཁྲོ་བ་མེད་པས་གཞན་གྱི་སེམས་སྲུང
24b2 བ་ཡིན། བྱང་ཆུབ་ཀྱི་སེམས་མི་གཏོང་བས་སེམས་དཔའ་བ་ཡིན་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། བྱ་བ་དང་ཡང་འགལ་བར་མ་བྱེད་ཅིག་།བྱ་བ་མ་ཡིན་པ
24b3 ལའང་སྣང་བར་གྱིས་ཤིག་། བྱས་པ་ལ་ལན་རེ་བ་མེད་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་བགྱི་བ་དང་མི་འགལ་བར་བགྱིད
24b4 པ་ལགས། ཇི་ལྟར་ན། མི་བགྱི་བ་ལའང་གདའ་བ་ལགས། ཇི་ལྟར་ན། བགྱི་བ་ལ་ལན་རེ་བ་མ་མཆིས་པ་ལགས། བཀའ་སྩལ་པ། བྱ་བ་དང་འགལ་བར་མི་བྱ་བ་བ་ནི། རྟེན་ཅིང
24b5 འབྲེལ་བར་འབྱུང་བའི་ཆོས་ལ་འཇུག་པས་ལས་ཀྱི་རྣམ་པར་སྨིན་པ་ལ་ཡིད་ཆེས་པར་བྱའོ། །བྱ་བ་མ་ཡིན་པ་ལ་སྣང་བ་ནི། སྙིང་རྗེ་ཆེན་པོ་ལ་འཇུག་པའོ། །བྱས་པ་ལ་ལན
24b6 རེ་བ་མེད་པ་ནི། ལན་དུ་ཕན་འདོགས་པ་རེ་བ་མེད་པ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། དུས་མ་ཡིན་པར་ནི། མ་ལྡང་ཞིག་།དུས་ལ་བབ་ན་ནི། མ་ཉལ་ཅིག
24b7 ཉལ་བ་རྣམས་ནི། སློངས་ཤིག་།རྟག་ཏུ་ནི། ཉལ་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་དུས་མ་ལགས་པར་མི་ལྡང་བ་ལགས། ཇི
iiif viewer powered by OpenSeadragon
