| e-texts navigator |
| Wylie |
23a1 གསོལ་མྱོང་ཟིན་པས་ན། ཐབས་སྤྱོད་པ་མཁས་ཏེ་སེམས་ཅན་ལ་ར་མདའ་བྱ་ཞིང་བསྒྲལ་ནུས་སོ། །བྱང་ཆུབ་སེམས་དཔའ་འདིས་རོ་བྲོ་བའི་རླུང
23a2 སྤྱད་དེ་སེམས་ཅན་རྣམས་ཀྱི་སྲོག་མཐུད་ནུས་སོ། །ཁྱེད་ལ་སོགས་པ་ད་ལྟའི་དང་། མ་འོངས་པའི་དུས་ཀྱི་སེམས་ཅན་རྣམས་ཀྱིས་བྱང་ཆུབ་སེམས་དཔའ་འདིའི་མིང་གཟུངས་སུ
23a3 བཟུང་གི་སྟེང་དུ་དགེ་བའི་བཤེས་གཉེན་ཆེན་པོ་གྱིས། མྱ་ངན་ལས་འདས་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་སྟོང་པར་གྲོལ་ཐར་པ་ཐོགས་པ་མེད་པ་ཐོབ་བོ། །དེ་ནས་བྱང
23a4 ཆུབ་སེམས་དཔའ་ཆོས་ཀྱི་རྒྱལ་པོས་ས་ལ་གཏུགས་ཏེ་ཕྱག་བཙལ་ནས་ལངས་ཏེ་དེའི་གཞི་ནས་མྱ་ངན་ལས་འདས་པ་ཆེན་པོར་ཞུགས་ན་སྟོང་པས་གྲོལ་ཐར་པ་གོ་སྟེ། ཆགས་པ་མེད་པའི་ས་ལས་རྐང་པ་བཏེག་པ་དང་།
23a5 རྐང་པ་བོར་བ་ཀུན་ཀྱང་གཙང་གདང་བ་བསྒྲོད་དེ། ཐལ་མོ་སྦྱར་ནས་སངས་རྒྱས་ལ་ཕྱག་བཙལ་ཏེ་སོང་ངོ་། །དམ་པའི་ཆོས་ཀྱི
23a6 རྒྱལ་པོའི་ཡི་གེ་བམ་པོ་གཅིག་སྟེ། རྫོགས་སོ།། །།སྔོན་རྒྱ་ལས་འགྱུར་བའི་ཡིག་རྙིང་སྐད་གསར་གྱིས་མ་བཅོས་པར་སྣང་། རྒྱ་གར་སྐད་དུ། ཨཱཪྱ་དྷརྨ་ཎ་ཡ་ནཱ་མ་མ་ཧཱ
23a7 ཡཱ་ན་སཱུ་ཏྲ། བོད་སྐད་དུ། འཕགས་པ་ཆོས་ཀྱི་ཚུལ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས
iiif viewer powered by OpenSeadragon
