| e-texts navigator |
| Wylie |
147b1 གཅོད་པ་བཤད་པར་གསོལ། །དེ་ནས་བཅོམ་ལྡན་འདས་ཀྱིས་ཚངས་པ་པདྨ་འབར་བའི་དཔལ་ལ་འདི་སྐད་ཅེས་བཀའ་སྩལ་ཏོ། །གང་དག་སྔོན་ཆད་ཕ་རོལ
147b2 ཕྱིན|་|སྤྱོད་པ་སྤྱད་ཅིང་སྤྱོད་འགྱུར་བ། །དེ་དག་ཉན་ཐོས་ཆོས་རྣམས་ལ། །ནམ་ཡང་དགའ་བར་མི་བྱ་སྟེ། །སངས་རྒྱས་ཆོས་ལས་ཉམས་འགྱུར་བའི། །ལྟུང་བ
147b3 གཉིས་པ་གཞན་མེད་དེ། །དེ་ནི་ཡང་དང་ཡང་དུ་ཡང་། །གཉི་གར་སེམས་ནི་འཇུག་པ་ཡིན། །ཁྲོ་དང་ཉན་ཐོས་ཆོས་རྣམས་དང་། །རྐྱེན་གྱི་བྱང་ཆུབ་འཇུག་པ་ཡིན།
147b4 ཆོས་གསུམ་རྣམ་པར་སྤངས་པས་ན། །སངས་རྒྱས་ཆོས་རྣམས་རྫོགས་པར་འགྱུར། །སྐྱེ་གནས་བཞི་ལྡན་སེམས་ཅན་འདི། །སངས་རྒྱས་ཞིང་འདིར་ལྷགས་པ
147b5 དང་། །ཐམས་ཅད་འདོད་པ་རྟེན་མི་བྱེད། །ཐམས་ཅད་མི་སྡུག་ཐོབ་པ་ཡིན། །འདི་ན་སེམས་ཅན་མཁས་པ་གང་། །བྱང་ཆུབ་མཆོག་གི་ཕྱིར་ཞུགས་ཤིང་། །གང་བློ་གཟུངས་དང་བཟོད་པ་ལ། །
147b6 བརྩོན་ཞིང་ལེགས་པར་གོམས་བྱས་ལ། །དབང་པོ་དྲུག་གི་སྒོ་བསྡམས་ཤིང་། །སྐྱིལ་མོ་ཀྲུང་གིས་དྲན་བཞག་ནས། །རང་གི་སྤྱོད་ཡུལ་ས་ནོན་པ། །ཕྱི་མའི་དུས
147b7 ཀྱི་དེ་བཞིན་གཤེགས། །ནོར་བདུན་རབ་ཏུ་རྫོགས་པའང་ཡིན། །འདིར་ནི་མི་སྡུག་ཚུལ་བཤད་ན། །ཀུན་གཞི་གང་ཡིན་སེམས་ཅན་གྱི། །འཆིང་བ་བརྟན་པ་འདིར
iiif viewer powered by OpenSeadragon
