| e-texts navigator |
| Wylie |
146a1 ལྟར་སྣང་བ། བྱང་ཆུབ་སེམས་དཔའི་སྤྱོད་པ་རབ་ཏུ་འབྱེད་པ། དབུགས་རྡུབ་པ་དང་འབྱུང་བ་དྲན་པ། འཆི་བ་མེད་པའི་སྒོ། ཚངས
146a2 པའི་གནས་པ་ལུང་བསྟན་པ་སྟོན་པ་ན་ཅང་མི་སྨྲ་བར་འཁོད་དེ། ཐམས་ཅད་དང་ལྡན་པའི་མི་མཇེད་ཀྱི་སངས་རྒྱས་ཀྱི་ཞིང་ཐམས་ཅད་ས་དང་ནམ་མཁའི
146a3 ལམ་གང་བར་གྱུར་ཅིང་། ད་དུང་བཅོམ་ལྡན་འདས་ཀྱི་ཆོས་ཀྱི་ཆར་གྱི་སྟོན་པས་ཚིམ་པར་མ་གྱུར་ནས་ཐལ་མོ་དག་རབ་ཏུ་སྦྱར་ཏེ་བཅོམ་ལྡན་འདས་ཁོ་ན
146a4 ལ་བལྟ་ཞིང་འཁོད་པ་ནི། དཔེར་ན། ནད་པ་དག་སྨན་པ་ལ་ལྟ་བར་བྱེད་པ་བཞིན་དང་། མུན་པས་ཁེབས་པ་དག་སྣང་བ་ལྟ་བར་བྱེད་པ་བཞིན་དང་།
146a5 ཆུ་བོས་ཁྱེར་བ་དག་ཆུ་འགྲམ་དུ་ལྟ་བར་བྱེད་པ་བཞིན་དང་། སྡུག་བསྔལ་བར་གྱུར་པ་དང་། སྐྱབས་ལ་ལྟ་བར་བྱེད་པ་བཞིན་ཏེ། ད་ལྟར་མི་མཇེད་ཀྱི་སངས
146a6 རྒྱས་ཀྱི་ཞིང་ཐམས་ཅད་ས་དང་ནམ་མཁའི་ལམ་བྱང་ཆུབ་སེམས་དཔའ་སེམས་དཔའ་ཆེན་པོ་དག་དང་། ཉན་ཐོས་དག་དང་། དབང་པོ་བརྒྱ་བྱིན་དག
146a7 ནས་ལྟོ་འཕྱེ་ཆེན་པོའི་དབང་པོ་དག་གི་བར་དང་། འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷ་གཞན་དང་གཞན་དག་ནས་མི་དང་མ་ཡིན་པ་རྣམས
iiif viewer powered by OpenSeadragon
